இலங்கன் - Ilangan

பெருநிலப்பரப்பில்.... (ஞான்)

2010-05-05T14:41:00.012+05:30

(ஆத்தா நான் ஊருக்குப் போனேன்...

ஏது...? உனக்கெதடா ஊரு...? 1 வருசமாவது ஒரு இடத்தில நிரந்தரமா இருந்திருக்கிறியா...? நாடோடி யாச்சே நீயி .....? இப்படியான சில அர்த்தமுள்ள கேள்விகளிலிருந்து விடுபட்டு.......)

வட்டக்கச்சி்க்கு போனேனுங்கோ....
கொழும்பிலிருந்து அடிக்கடி யாழ்ப்பாணம் போகும் போது கிளிநொச்சி காக்க கடைச் சந்தி மின்னிக்காட்டிக்கொள்ளும். அப்ப அவ்வப்போது அந்த நாள் ஞாபகங்கள் வந்து போவதுண்டு.

இம்முறை காக்கா கடைச்சந்தியிலேயே ஷாட்சாத் இலங்கன் நிக்கிறன்....
ஓட்டோகிராப் சேரன் போல.....(மனதிற்குள் ஞாபகம் வருதே.. ஞாபகம் வருதே....பாடல்) சிட்டுவேசனுக்கு பொன்டிங் தாடியும் கண்ணாடியும் தான் குறை.

வவுனியாவிலிருந்து பஸ் மீது ஏற்றிக்கொண்டு வந்த மிதிவண்டியை கீழே இறக்கி .- மன்னிக்க "உந்துருளியை" இறக்கி பெடல் மீது விசையைப் பிரயோகித்து ஊரை நோக்கி பயணத்தை ஆரம்பிக்கிறேன்.
(பெருநிலப்பரப்பில் இறங்கியதுமே நல்ல தமிழ் தானாகவே வந்துவிடுகிறது)

கிளிநொச்சி குளத்தை கடந்து ஐந்தடி வானை (5 " வான்)அண்மித்துவிட்டேன். ஐந்தடி வானை அண்மித்ததுமே அந்த நாள் ஞாபகங்கள் மலரும் நினைவுகளாக...

டோய்ங்... டோய்ங்...
அப்ப வெதுப்பி , குதப்பி, ஈருளி, உந்துருளி என தமிழில் சொற்போர் புரிந்த போது அட்துடன் file என்பதற்கு தகுந்த தமிழாக 'பாவாடை" என்பதை ஆராய்ந்து பயன்படுத்தி வந்த பொற்காலத்தில் "ஐந்தடி வானில் ஆங்கில வெள்ளம் " என்கிற வித்தியாசமான விளம்பரத்தில் மூழ்கி
ஆங்கிலம் படிக்க வட்டக்கச்சியிலிருந்து உந்துருளியை வலித்த ஞாபகங்கள்..

செயன்முறை ஆங்கிலம்.
வேலி, மரங்களுடன் ஆங்கிலம் கறந்தது, அல் ஆங்கில வகுப்பில் (இரவு) ஜெயந்தன் "f " உச்சரிக்க மெழுகுதிரி அணைந்து போன கலக்கல் நிகழ்வுகள் மலரும் நிளைவுகளாக...

இந்த வகுப்பில் நான் உட்பட அனைவரும் " broken english" தான் ஆயினும் நமது கேள்விகள் ஆங்கில உரையாடல்கள் மற்றவருக்கு விளங்கி விடுவது தான் ஆச்சரியம்.

உந்துருளி சக்கரத்துடன் ஐந்தடி வான் நிளைவுகள் உருண்டு இப்ப உந்துருளி பன்னங்கண்டி பாலத்தை அண்மித்துவிட்டது... இங்கிருந்து வட்டக்கச்சி ஆரம்பம்..
வட்டக்கச்சி ஆரம்பத்தின் அடையாளமாக இங்குள்ள farm ஐ கொள்ளலாம். மன்னிக்க _
ஒருங்கிணைந்த மாதிரிப் பண்ணை

இந்த farm ல எத்தினை "யோகற்"களை ஆட்டையப் போட்டிருப்பம்.
விவசாயக் கண்காட்சிகளின் போது G.T.M.S ஐ பிரதிநிதித்துவப்படுத்தி பொருட்களை ஆட்டையப்போடுவது சிங்கன் தலைமையிலான குழுவாகத் தானிருக்கும்.

அத்தோடு கண்காட்சியில் காட்சிக்கு விட்டிருந்த அவுஸ்ரேலியன் மாட்டில் முதன் முதல் பால் கறந்து அவுஸ்ரேலியா பால் குடித்த பெருமையும் எம்மையே சாரும்.

இப்ப உந்துருளி உந்தி வட்டக்கச்சி மகாவித்தியாலத்தை நெருங்கிவிட்டது..

வட்டக்கச்சி பள்ளியில் அனுமதி பெற்ற முதல் நாளே என்னையும் தருசனையும் அதிபர் ஒரு நான் லீவு கொடுத்து அனுப்பிய சம்பவம் இன்னமும் பச்சையாக நினைவில் உள்ளது. (மீசையை அண்மித்த மழமழப்பான தசை மற்றும் கைநரம்புகள் யாவும் கப்டன் விஜயகாந்தை போல் துடிக்கிறது)

நிற்க....
இப்ப நான் வட்டக்கச்சி சந்தியில் சங்கக்கடையில் " மினரல் வாட்டர் ' குடிக்கிறனுங்கோ...
அடப்பாவி.... தாயைப் பழித்தாலும் தண்ணியப் பழிக்கப்படாது எண்டு ஒரு அட்டு டயலாக்கை அடிச்சிட்டு வாய்க்கால் தண்ணிய அள்ளி விழுங்கிற பன்னி எல்லாம் இப்ப "மினரல் வாட்டர் "குடிக்குதோ...? என கவுண்டர் பாணியில கூடத்திரிந்தவர்கள் கேட்கலாம்..

ஆனால் உண்மை யாதெனில் see the வாய்க்கால்

ஆத்தினிலே தண்ணியில்லே...

சப்பையோ... ரைட்டு விடு...

மீண்டும் வலிக்கிறேன் .. வீதியோரம் உள்ள தலையில்லாத தென்னைகளை தலை உயர்த்தி பார்க்கிறேன் -

ஒத்தப்பனை, தலையிழந்த தென்னை என காசியானந்தன் பாணியில் உணர்சிக் கவிதைகள் பொங்குது...

இந்த மதவடியில் எத்தனை தரம் குளித்திருப்பம்.
பல்டி அடிச்சிருப்பம் .. ஹி.. ஹி... பலடி அடிக்க முயற்சித்திருப்பன்.. கணுக்கால் அளவு தண்ணிக்குள்ள உடம்பை தாழ்த்தி கழுத்தளவு தண்ணிக்குள்ள நிக்கிற மாதிரி சீனை போடுவது எவ்வளவு கடினம்.

அதெல்லாம் அனுபவிச்சவனுக்குத் தான் தெரியும்.
இந்த மதரிரி சீனை போடாட்டி மதவுக்கடியில் ( ஆழம் கூடிய பகுதி ) நீச்சல் தெரிங்சவங்கள் தாட்டுப் போடுவாங்கள்.

இந்த ஐயனார் கோவில் ஆலமரம் தான் சின்ன சின்ன சங்கங்கள் கூடுமிடம் .

இந்த ஆலம் விழுதில ஆயிரத்தில் ஒருவன் எம். ஜி ஆர் போல தலைகீழாக தொங்கி சிந்து பாடுற சுகம் இருக்கே.... ஆ..

ஐயப்பன் அண்ணா சூரன் போருக்கு ஸ்பிரேயருக்குள்ள மண்ணென்ணெயை விட்டு தீப்பந்தத்துக்க ஸ்பிரே பண்ண சூரன் வாயிலிருந்தது நெருப்பு கக்குவதைப் போலவே இருக்கும். சூரன் ஆட்டுவதில் ஐயப்பன் அண்ணைக்கு நிகர் அவரே தான்.

சூரனின் வயித்துக்கால வரும் சேவலின் ஒரு இறகு கூட கையில் அம்பிடாது..
(பல வருசமாக ஒரே கோழி தான் பறக்க விடுவதாக தகவல்)
இப்படி பல நிகழ்வுகளை (பந்தல் செலவில்லாமல்) தனது அகல விரித்த கிளைப்பரப்புக்கடியில் நடாத்திய ஆல மரம் இப்ப ஒத்தையா நிக்குது.

இனி ஆல மரம் அரசமரமா மாறினால் தான் மதிப்பு கூடவாகவிருக்கும்...
ஹி.. ஹி..
பதிவு நீண்டுபோச்சு மிகுதி அடுத்த பதிவில்....

தமிழ் வி(ஞ்ஞா)ண்ணான புரோபசர்மார்க்கு

2010-03-20T11:46:00.003+05:30

கனம் மதிப்புக்குரிய விண்ணான தமிழ் புரோபசர்மார்க்கு
ஐயா வணக்கம்,
கடந்த வருடம் உயர்தரப் பரீட்சையில் அவிஞ்சு போய் 2ம் முறையில் எப்பிடியாவது கரைசேர்வதற்கு முயன்றுகொண்டிருக்கும் அனுபவமிக்க மாணவன் நான் தங்களுக்கு எழுதும் (புலம்பல்) வேண்டுகோள் மடல் இது..

ஐயா கடந்த வருடம் இறுதி பரீட்சைக்கு சரியான ஆயத்தமில்லாமல் choice ஏ துணை என பரீட்சைக்கு சென்றேன்.

வினாத்தாளில் நான் விடையறிந்த இரு வினாக்கள் மட்டுமே காணப்பட்டது. ஆனால் அதிலும் ஒரு கேள்விக்கு என்னால் விடையளிக்கமுடியவில்லை. காரணம் விடை தெரியால் அல்ல.. நீங்கள் கேட்ட வினாவுக்கு குறிப்பிட்ட அந்த பாடத்தில் நான் பூரண தெளிவு பெற்றிருந்தும் உங்கள் கேள்வி எனக்கு புரியாததால் விடையளிக்க முடியவில்லை..
(கேள்வி மயக்கம், தங்களின் கடும் தமிழ் பிரயோகிப்பு)

அதாவது "கணிசமான" என்கிற ஒரு பதத்திற்கு கூடவா? குறையவா என்கிற சந்தேகத்தில் 20 புள்ளிகள் பறந்து போய்விட்டது. எனக்கு விடை தெரிந்ததே 2 கேள்விகளுக்கு மட்டும் தான் அதில் ஒரு கேள்வி தங்கள் தமிழ் புரியாததால் பறந்து போனது.

பரீட்சை வினாத்தாளில் எளிய தமிழை பிரயோகிக்கலாம் தானே? ஏன் கடும் தமிழை பிரயோகிக்கிறீர்கள்..? மேலதிகமாக நாம் இலக்கணமும் அல்லவா கற்க வேண்டிய தேவை உண்டாகிறது.

இது போக கடந்த வருட உயிரியல் வினாத்தாளில் 'காற்றிற் சுவாசம்", "காற்றில் சுவாசம்" இரண்டிற்குமான வேறுபாடு, விளக்கம் கேட்டிருந்தீர்கள்.

இங்கே "காற்றிற்", "காற்றில்" என்பதில் பாரிய மயக்கம் பரீட்சை மண்டபத்திலே ஏற்படுகின்றது.
காற்றில் என்பதை காற்றில்லாத போது எனக்கொள்வதா? காற்று + இல்(5 ம் வேற்றுமை) காற்றுள்ளபோது எனக்கொள்வதா? இதைப்போலவே காற்றிற் என்பதற்கும்...

இதே போல பல பதங்கள் இவற்றுக்கெல்லாம் எளிய தமிழை பிரயோகிக்கலாம் தானே..? ஏன் இந்த கடுந்தமிழ்.. பரீட்சை பேப்பரிலும் தமிழ் வாழணுமா? (இங்கே தமிழ் வாழ்கிறது அநியாயமாக இந்த கொடுந் தமிழால் நாங்கள் சாகின்றோம்)

இது போக உங்கள் வினாத்தாளிற்கான விடை மதிப்பீடு செய்யும் scheme ஒரு கேள்விக்கு வருடத்திற்கொரு விடை கொடுக்கிறது. ஒரு கேள்விக்கு பல விடை எதை நாங்கள் எழுதுவது.
எங்களுக்கென்றொரு பொதுவான புத்தகம் இருப்பின் அதன் படி விடையளிக்கலாம் ஆனால் அதுவும் இல்லை.
ஒவ்வொரு வாத்திமாரும் ஒவ்வொரு புத்தகத்தை பரிந்துரைக்கிறார்கள். எதைப் படிக்க?

புத்தகம் எழுதுகிறவர்கள் ஒவ்வொருவரும் தம் புலமையை வெளிக்காட்ட எழுதுகிறார்களே தவிர பரீட்சைக்கு தகுந்தாற்போல் எழுதுவதில்லை....

கடந்த வருடம், வினாத்தாளில் "புவிக்கு நைதரசன் கிடைக்கும் வழிகளை குறிப்பிடுக" என ஒரு கேள்வி இதற்கு பலர் இடி, மின்னல் என விடை கொடுத்திருந்தார்களாம்.

ஆனால் தாங்கள் இடி என எழுதப்பட்டிருப்பின் புள்ளிகள் வழங்கக்கூடாது என தெரிவித்திருந்தீர்களாம். இதற்கு தாங்கள் கொடுத்த விளக்கம் இடியும் மின்னலும் கிட்டத்தட்டவானவையாக இருப்பினும் மின்னல் தான் முன்னுக்கு வருவது ஆகவே மின்னல் தான் சரியானது என.

ஆனால் சகோதர மொழியில் இடி என எழுதப்பட்டதற்கு புள்ளிகள் வழங்கப்பட்டதாம். அங்கே வழங்குகிறார்கள் என்றால் நீங்களும் புள்ளிகள் வழங்கியிருக்கலாம் தானே...

இங்கேயும் உங்கள் தனித்துவமா? ஏற்கனவே தமிழ் மாணவர்கள் புறக்கணிக்கப்படுவதாக ஒரு நிலை இதில் தாங்களில் ஞாய, தர்ம கட்டுப்பாடு, தனித்துவங்கள் இன்னும் எம்மை பாதிக்காதா...

இலங்கை கல்வி தரம் வாய்ந்தது நாங்களும் அறிவோம். ஆனால் இப்படியான விடயங்கள் தரத்தை தீர்மானிப்பதாக இராது.

உங்கள் கடுந்தமிழ்கள் நுண்ணங்கிகள், நோய்கள், விஞ்ஞான பெயர்களில் பிரயோகிக்கப்படாத வரை சந்தோசம்.

உங்கள் கடுந் தமிழ் தாங்க முடியாமல் தான் என்னமோ பலர் முதலாவது முறைக்கு பின்னர் லண்டன் ஏலெவலுக்கு ஓடுகிறார்கள். அங்கே நேரடியான கேள்விகள் தானாம்.

ஏற்கனவே சாதாரண பாடம் சித்தியடைந்தவர்களிவ் 80தமானவர்கள் தான் உயர்தரத்திற்கு வருகிறார்களாம். மிகுதி பேர் வெளிநாட்டு கல்வியை நாடுகிறார்கள்.

தங்களின் மேற்சொன்ன பிரச்சனைகள் அதிகரிப்பின் 80 வீதம் 40 வீதம் ஆனால் கூட ஆச்சரியப்படுவதற்கில்லை.

ஐயா இது தங்களுக்கான கண்டன மடல் அல்ல ஓர் விண்ணப்ப மடல்.

தயவு செய்து கருணை காட்டவும்.

தங்கள் மறுமொழியை பரீட்சை வினாத்தாளில் எதிர்பார்த்த வண்ணம்தங்களின் உண்மையுடைய மாணவர்கள்.

தமிழ் வாழ்க எங்கள் பரீட்சை பேப்ரில் தவிர.....

நாங்களும் கொஞ்சம் திருந்தவேணும்….

2010-03-06T10:26:00.003+05:30

பரீட்சை எழுதிய கடுப்புடன் சில நுண்ணங்கிகளையும், நோய்களையும் திட்டிக்கொண்டு வகுப்புக்கு வெளியே வந்தேன்.

வழமையாக மதில் சுவர்களை அலங்கரிக்கும் தேர்தல் பிரச்சாரப் போஸ்டர்களுக்கு நடுவே நம்ம சொல்வேந்தர் சுகி சிவம் அவர்களின் போஸ்டரும் ஒட்டப்பட்டுக் காணப்பட்டது.
ஆகா.. ஒரு வேளை அந்தாளும் இங்க வந்து கேக்கிறாரோ..? என எண்ணியவாறு..

(நம் நாட்டில் தேர்தலில்; நிற்பதற்கு எந்த வரைமுறையும் அவசியமில்லை என்பது அறிந்ததே.. கண்டவன், கடியவன், சந்தியில முந்தநாள் வெட்டியா நிண்டவன் எல்லாம் தேர்தலில் நிக்கும் போது.. நான் அவ்வாறு எண்ணியதற்கு ஆச்சரியப்படதேவையில்லை…)

இருப்பினும் போஸ்டருக்கு அருகில் சென்று வாசிக்கலானேன்.. சொல்வேந்தர் சுகி சிவம்.. சொற்பொழிவு. 3-3- 2010, கலாச்சார மண்டபம், 5.00 மணி என குறிப்பிடப்பட்டிருந்தது..

ஆன்மீக ஆசாமிகள் தொடர்பாக புதிசா ஏதும் சொல்லுவார், பரீட்சை எழுதிய கடுப்பும் கொஞ்சம் குறையும் என எண்ணியவாறு நேரத்தை சரி பார்த்தேன் 5.30.
இப்ப போக சரியாகவிருக்கும் வரவேற்பு, மரியாதை, சம்பிரதாயம் எல்லாம் முடியவும் நான் போகவும் கணக்காயிருந்தது.

மண்டபத்திற்கருகே சென்றதும் பார்வையாளர்கள் தொகையும் குறைவாகவிருக்க மனதிற்குள் பூவா, தலையா போட்டுப்பாத்து முடிவாக பல்கனிக்கு போகலாம் என மேலே சென்று உள் நுழைந்தேன்.

ஆ.. சாட்சாத் சுகி சிவமே ஆரம்பிச்சுட்டார்..

மனம், மனிதன், மன கட்டுப்பாடு தொடர்பாக சொற்பொழிவு நடந்துகொண்டிருந்தது…

மண்டபம் கொஞ்சம் புளுக்கமாக இருப்பதை உணர்ந்துகொண்டு மின்விசிறிகள், காற்றாடிகள் இல்லியோ.. என மேலே பார்க்க எத்தணிக்க கீழே தெரிகிற முக்கால் வாசி வழுக்கை மண்டைகளிலும் மின்விசிறி சுழல ஓ.. மின்விசிறி இயங்குநிலையில் தான் உள்ளது ஆனால் காத்துத் தான் வரவில்லை..

பக்கத்தில் இருந்தவரும் புளுக்கத்தில் சினக்க உடனே நான் “கதவை திறவுங்க காத்து வரும்” என ஒரு அட்டு காமெடி அடிக்க பக்கத்தில் இருந்தவர் எந்தவித பிரதிபலிப்பையும் வெளிப்படுத்தாமல் இருக்க நான் நோண்டியாகி கொண்டதை வேறுயாரும் பார்க்கவில்லை என்பதை சுற்றிப் பார்த்து உறுதி செய்து கொண்டு மனதிற்குள் நொந்து கொண்டேன்.

சொற்பொழிவு வழக்கமான அவரது பாணியில் நகைச்சுவை, நக்கல் அனைத்தும் கலந்து கலக்கலாக போய்க்கொண்டிருக்கையில் ஆசை பேராசை தொடர்பான ஓர் விளக்கம் கொடுத்தார்..

அங்கு தான் மனதில் சிறு சங்கடமும் மனதிற்குள் எம்மை எண்ணியும் சினந்தும் கொண்டேன்.

ஆசை பேராசைக்கு உதாரணம் காட்ட இரு கதைகள் சொன்னார் அதில் ஒன்று கற்பனைக்கதை, மற்றையது நமது (தமிழர்கள்) தொடர்பான உண்மைக்கதை..

கற்பனைக் கதை
ஒரு வீட்டு நாயும், தெரு நாயும் பேசிக்கொண்டதாம்.
தெரு நாய், வீட்டு நாயைப் பாத்து நீ ஏன் இந்த வீட்டில் இருக்கிறாய் பேசாமல் என்னுடன் தெருவுக்கு வந்துவிடு வித விதமான உணவுகளை பெற்றுக்கொள்ளலாம் என்றதாம்.

இதற்கு வீட்டு நாய் சொன்னதாம் கொஞ்சம் பொறு வீட்டு எஜமானின் மகளின் திருமணம் முடியட்டும் முடிந்த பிறகு யோசிப்பம் என்றதாம்.
இதற்கு தெருநாய் “ எஜமானின் மகளின் திருமணத்துக்கும் நீ வெளியே வாறதுக்கும் என்ன சம்பந்தம் என கேட்க,

வீட்டு நாய் சொன்னதாம் ..( ப்ளாஸ் பாக்.)

முன்பொரு நாள் எஜமான் தனது மகளுக்கு திருமணம் செய்து வைக்க எண்ணி ஒரு சாத்திரியை அழைத்து எனது மகளுக்கு திருமணம் செய்து வைக்க எண்ணியுள்ளேன்.

எந்தப்பக்கத்தில் இருந்து வரன் தேடலாம் என வினவினான். ஆதற்கு சாத்திரி சொன்னாராம் கொஞ்சக்காலம் ராகுவின் தடங்கல் இருப்பதால் திருமணம் குஸ்டம் தான் என்றான்.

சந்தர்ப்பத்தை பயன்படுத்த முயன்ற எஜமானின் மகள் அது ராகுவின் தடங்கல் அல்ல முன்வீட்டு ரகு தான் என தனது காதலை பற்றி பெற்றோருக்கு கூறினாள்.
கடுப்பாகிய எஜமான் .. கோபத்தில் சொன்னார் என் வீட்டு நாய்க்கு உன்னை கட்டிக்டிகாடுத்தாலும் கொடுப்பேனே ஒழிய அந்த ரகுப்பயலுடன் மட்டும் நடவாது என்றார்.

டோய்ங்……

இதற்காகத் தான் காத்திருக்கிறேன் எப்ப எனக்கும் எஜமானின் மகளுக்கும் திருமணம் நடந்து… என சொன்னதாம் வீட்டு நாய்..

இக்கதையில் எஜமானின் மகள் ரகு மீது கொண்ட காதல், ஆசை
நாய் பெண்மீது கொண்டது, பேராசை…

முற்சொன்னது கற்பனைக்கதை உண்மைக்கதை யாதெனில் ….

அதாவது வெளிநாட்டில் வாழும் எம்தமிழர்கள் தங்கள் சொந்தங்கயுடன் வெளிநாட்டில் செட்டிலாகி சிட்டிசன் ஆனதன் பின்னர் இங்கு வெறுமையாகவிருக்கும் அவர்களது காணிகள், வீடுகளை இல்லாதவர்க்கு அல்லது தற்போது இடம்பெயர்ந்து இருக்கும் மக்களுக்கு கொடுக்கலாம் தானே என தன்னார்வ தொண்டு நிறுவனம் அவர்களிடம் கேட்க அவர்கள் சொன்னார்களாம் எங்களால் தரமுடியாது லண்டன் வீடும் வேணும், யாழ்ப்பாணத்து வீடும் வேணும் என்றார்களாம்..

ஆக இங்கு அங்கையும் வேணும் இங்கையும் வேணும் என்பதுவும் அளவுக்கதிகமான பேராசையாவே கொள்ளப்படுகிறது..

உண்மை தான் இதை நாம் பொதுமைப்படுத்தி பார்க்காமல் யாழ் நகரத்தை மற்றும் இதர இடங்களிலுள்ள அநாதரவான வீடுகள் தற்காலிகமாகவேனும் இடம்பெயர்ந்திருக்கின்ற மக்களுக்கு வழங்கலாம்.

வெளிநாட்டில் போய் செட்டிலான பிறகும் இங்கை காணி பிடிக்கிறதும், வளவுகள் வாங்கிக்குவிப்பதும் நடப்பவை தான் இவையும் பேராசையே..

ஆனால் ஒரு விசயம் எங்களால் எங்கள் சொந்தங்களுக்கு உதவமுடியாவிடின் பின்னெப்படி அங்கிருந்து எதிர்பார்க்க முடியும் அவன் தருவான், உதவுவான் என..?

இது போக நலன்புரிமுகாமிலிருந்து மக்கள் வெளியே வர வெளியிலுள்ள வீடுகளின் வாடகை வெள்ளவத்தை ரேற்றை தாண்டியுள்ளது..

இதுவும் ஒரு மனிதாபிமானமற்ற எங்கடையளின் செயற்பாடு தான்…

உண்மையில் நாங்களும் கொஞ்சம் திருந்தவேணும் தான்….
நாங்கள் முதலில் திருந்துவம்…….

ஓர் நாள் இரவு கள்ளனுடன்.... கற்றுத்தந்தது பாடம்......

2010-02-23T11:21:00.002+05:30

காலம்:- 20 - 02 - 2010 .

இடம்:- வவுனியா

நேரம்:- சரியாகத் தெரியவில்லை....

மாடிப்படியில் யாரோ இடறியோடுகிற சப்தம், மர இலைகள் உலுக்கப் படுகிற சப்தம், நாய் குரைக்கும் சப்தம் இவை கணநேர தொடர் நிகழ்வுகள்....

திடுக்கிட்டுப் போனேன்...

உஸ்... அமைதி..

மீண்டும் யாரோ வீட்டை நோக்கி வருவது போல் தோன்றுகிறது...

கனவா ?... பிரம்மையா..... என எண்ணியவாறு உறுதிப்படுத்திக்கொள்ள என் உடம்பில் கிள்ளிப் பாரக்க முயற்சிக்கிறேன்...

பெருவிரலும், ஆட்காட்டி விரலும் இணைய மறுக்கிறது...

மீண்டும் மீண்டும் முயற்சிக்கிறேன்..

ம் ஹீம்.. முடியவில்லை... பின்னர் ஓர் கடுமையான விசையை பிரயோகித்து கிள்ளிப் பாரக்கிறேன்... ஆம் நிஜம் தான்...

இவற்றுக்கிடையில் மீண்டும் காலடிச் சப்தம்... கால், கைகள் உணர்விழந்து காணப்படுகின்நது..

படக்... படக்.. நெஞ்சு..

வழமையாக இரவில் பூட்டும் வெளிக்கதவை பூட்ட மறந்தது ஞாபகம் வருகிறது... ஆ... மீண்டும் பின்னுக்கு ஏதோ தடக்குப் படும் சப்தம்...

இதயம் "ஊறவைத்த அரிசியை கல்லுரலில் இடிப்பதைப் போல்" துடிக்கிறது.. திருடன் தான் என ஊகிக்கிறேன்...

ஒரு வேளை பேய்? ஆகா நேற்று முன்வீட்டு ஆசாரி சொன்ன பாதிரியார் கதையும் ஞாபகத்திற்கு வருகிறதே.... ச்சீ...

என்றாலும்.... ?..

இவற்றை விட வேற்றுக்கிரக வாசிகள் .. மேலதிக ஓர் ஊகிப்பு...

நேரத்தை சரியாக தெரிந்து கொள்ள முடியவில்லை... அருகிலுள்ள தம்பியை எழுப்ப முயல்கிறேன்...

எதற்கும் தூக்கத்திலே புரள்வது போல் (காட்டிக்கொள்ளாமல்) அவனருகிலே செல்கிறேன்...

மீண்டும் கடும்விசையை பிரயோகித்து பெருவிரலுக்கும், ஆட்காட்டி விரலுக்கும் இணைப்புக்கொடுத்து கிள்ளி எழுப்புகிறேன்... மெதுவாக...

" டேய் ஏதோ சப்தம் கேட்குது....." என்கிறேன்...

அவன் " என்னது .. நித்திரை வராட்டி ஏதாவது எடுத்துப்படி சும்மா சின்னப்பிள்ளையள் மாதிரி ..." என சினக்கிறான்...

காரணம் முன்னொருமுறை அந்த ஆங்கிலப் படத்தை பாரத்ததிலிருந்து ஒருவருமே கொஞ்ச நான் இரவில் வெளியில் வெளிக்கிடுவதில்லை... அப்ப நான் கொஞ்சம் துணிவாக எல்லோரையும் வெருட்டிப் பார்த்தேன்..

இப்படி 2, 3 தடவை வெருட்டிய ஞாபகம்.

எனவே இவன் அதைப் போல் தான் எண்ணுகிறான்....

இருப்பினும் மீண்டும் ஒரு முயற்சிக்கிறேன்... அவனிடமிருந்து அதிகாரம் பலக்க, இது வேலைக்காவாது என எண்ணியவாறு நான் மீண்டும் எனது பொய்சனுக்கு வருகிறேன்.....

தம்பி மீண்டும் வழமைக்கு திரும்புகிறான்(குறட்டை) .

கைப்பேசியில் நேரத்தை பாரப்போமா?..

நோ....... ஒரு வேளை கைப்பேசி வெளிச்சம் என்னை அடையாளம் காட்டிவிட்டால்...?

கைப்கேசியை தலையணைக்கருகில் வைத்துவிடுகிறேன்...

திடீரென..

டிங்.. டொய்.. டிங்.. ... கைப்பேசி...." attention... your battery is too low" என்கிறது...

" இதய அடிப்பு கணிதத்தில் வருகிற அத்தனை வரைபுகளையும் காட்டியது.."

ஊகிப்பு 2 பேய்.. எனக்கு விடும் "message" "ஆக இருக்குமோ..?

பயத்தின் உச்சத்தில் மாடியில் உறங்கும் சுதன் அண்ணனை உரத்து கூப்பிட முயல்கிறேன்.....

சு.....

இதற்கு மேல் நாவு இசைய மறுக்கிறது... வேறென்ன காத்துத்தான்.

..ஸ்.. ஸ்..

வேறு வழியின்றி வழமைபோல் மேலிடத்திற்கு பிரார்தனையில் இறங்குகின்றேன்.....

"மனித சக்திக்கு அப்பாற்பட்ட சக்தி ஒன்று இருப்பதாக நம்புகின்றேன்.. இச்சக்தியை சிவன் என்றும் , அல்லா என்றும், கிறித்து என்றும் ஒவ்வொருவரும் அழைக்கின்றனர் அந்தச் சக்தியே என்னை காப்பாத்து"....

என புத்திசாலித்தனமான வேண்டிக்கொள்கிறேன்...

சற்று நேரம் மன பாரம் ,பயம் கொஞ்சம் குறைந்த உணர்வு...

இதய துடிப்பு ஓரளவு இழிவுப்புள்ளியை அடைந்து சீராகின்றது...

அப்போது ஆன்மீகத்தின் மகத்துத்தையும் உணர்கின்றேன்.

மனப்பாரத்தை கடவுளிடம் இறக்கிவிட்ட நிம்மதி ..

சட்டென

மீண்டும் யாரோ பின்பக்கம் சருகுகளிற்கிடையே அரையும் சப்தம்.. மனத்திரையில் "டக் டிக் பொய்சனில் .." அரைவதாக தோன்றுகிறது...

சுயமாக எந்த முடிவும் எட்ட முடியவில்லை....

ஈற்றில் தூக்கம் போலவே பாவனை செய்து கொள்வோம் என முடிவெடுக்கிறேன்... ( யாரென சரியாக முடிவெடுக்க முடியாதலால்.)

டேய் இலங்கன் உயிரா? பொருளா முக்கியம் என சமன் செய்து சீர்தூக்கின் உயிரே ... உயிரே.. என முடிவெடுத்து போர்வைக்குள் உயிரையும் வெளியே சப்தத்தையும் அவதானித்தவாறு படுத்துக்கொள்கிறேன்..

"மனித கேள்தகவெல்லையிலும் கூடிய குறைந்த ஒலிகள் யாவும் காதில் கேட்கின்றன.."

நீருக்குள் தம் புடித்து இருப்பது போல் ஓர் உணர்வு...

விடியட்டும் பாப்பம்...

கொஞ்சம் நிலம் வெளிக்க எழுப்பி வெளியில் வருகிறேன்....

எனக்கு முன் இருவர் பக்கத்து வீட்டு வேலியோரமாக கதைத்துக்கொள்கின்றனர்.. தீர விசாரிக்கையில் முன் ரோட்டு கடை உடைக்கப்பட்டு கொள்ளையிடப்பட்டுள்ளதாம்......

வீதியில் யாரோ இதை அவதானித்து துரத்திக்கொண்டு வர , நாய்களும் இணைய வழி தெரியாமல் திருடர்கள் திக்கின்யி ஓடியிருக்கிறாரகள்..

அதில் ஓரிருவர் தான் எங்கள் வீட்டிற்கும் விஜயம் செய்திருக்கின்றனர்... என ஊகிக்க முடிந்தது...

ஆனால் ஒரு விசயம் அச்சமயத்தில் திருடனோ.... அல்லது வீட்டுக்காரரோ என்னருகில் வந்திருந்தால் நிச்சயமாக இலங்கன் வீரமரணம் எய்தியிருப்பான்......

இருப்பினும் இவற்றிலிருந்து நான் கற்றுக்கொண்டவை ஆன்மீகத்தில் பிரார்தனையின் மகத்துவம், பேயக்காட்டு விளையாட்டு பின்னர் ஆபத்தில் கைகொடுக்காது என்கிற பாலர் வகுப்பு படிப்பினை கதையையும் உறைக்கும் படி உணர்த்திற்று....

மு.கு:- வவுனியா தொழிநுட்ப நகரமாக்க அறிவித்ததிலிருந்து திருட்டுக்கள்,கொள்ளைகள் அதிகரித்துவிட்டன...

முக்கியமாக சைக்கிள் திருட்டுக்கள் தான் அதிகம் எங்கள் வீட்டிலிருந்தும் இரண்டு சைக்கிள்கள் திருடருக்கு பலி கொடுக்கப்பட்டுள்ளது இலங்கை வங்கிக்கு முன்னால்..........

வள்ளுவர், தும்மல்காதல், எயிட்ஸ்,

2010-02-09T12:08:00.005+05:30

(இந்த பதிவு காதலர் தினத்தை முன்னிட்டு காதலன்களுக்கு விழிப்புணர்வு ஏற்படுத்துவதற்கான ஓர் மீள்பதிவு)

யான் எனது வழமைக்கு மாறான எனது செயற்பாடாக புத்தகம் ஒன்றை வாசித்த போது (நறுந்தமிழ்) நறுந்தமிழ் என்பதை கவனமாக உச்சரிக்கவும்.

அப்புத்தகத்தில் “தும்மலும் காதலும்” என, திருக்குறளில் இடம்பெற்ற குறள்களுக்கான விளக்கத்தை ஒரு சிறு கதையாக நகைச்சுவையுடன் எழுதியிருக்கிறார் நூலாசிரியர்.

திருக்குறளில் இவ்வாறான சுவையான அம்சங்கள் இருப்பதை இப்புத்தகத்தை வாசித்ததன் பின்னரே அறியக்கிடைத்தது.

திருக்குறளில் இவ்வாறான அம்சங்களும் இருக்கிறது எனத் தெரிந்திருந்தால் சிங்கம் முதலாம் வகுப்பிலிருந்தே திருக்குறளை தினமும் பயின்றிருக்கும். (5ம், 6ம் வகுப்பு ஆசிரியர்களையும் நான் கடுமையாக சாடுகிறேன்.

சிறு வயதிலே அகர முதல என்பதை நிறுத்தி இன்பத்துப்பால், காமத்துப்பால் குறள்களை எமக்கு கற்பித்திருந்தால் 1330 குறள்களையும் நான் மிகக் கவனமாக மனப்பாடம் செய்திருப்பேன்.

தற்போது என் மனதில் நிற்கும் குறள்கள்,

“ஊடலில் தோற்றவர் வென்றார்
அதுமன்னும்கூடலில் காணப்படும்”

“ஊடி இருந்தோமாத் தும்மினார்
யாம் தம்மைநீடு வாழ்க என்பாக்கு அறிந்து”

“வழுத்தினாள் தும்மினேனாக அழித்தழுதாள்யார்
உள்ளித் தும்மினீர் என்று”

அதாவது (விளக்கம்) இந்நான்கு குறள்களுக்குமான விளக்கம் ஒரு சிறு கதையாக.

இரண்டு காதலர்கள் (சிறு பிரச்சனையால் ) (ஊடலில்) ஒருவருடன் ஒருவர் கதைக்காமல் நீண்ட நேரம் இருக்கிறார்கள். (அருகருகில்)

இருவருக்கும் சிறு சங்கடம் நீண்ட கதைக்காமல் இருப்பதால், எனவே இதை நீள விடாமடல் யாராவது ஒருவர் முதலில் கதைப்போம்என இருவரும் மனதளவில் நினைத்திருந்தும் இருவருக்கும் இன்னோர் பிரச்சனை.
அதாவது
காதலனுக்கு தான் முதலில் கதைப்பதா? ஏன்கிற(“குஷி” பிரச்சனை. அகம்புடிச்ச கழுதை ஈகோ)
காதலியின் பிரச்சனை வேறு, அதாவது காதலி தமிழிலக்கியம் படித்தவள்.

தமிழிலக்கியங்களிலே காதலர்கள் தொடர்பான ஒரு விடயம் இருக்கிறதாம். அதாவது எந்தப் போட்டியாக இருந்தாலும் வெற்றி பெறுபவர் தான் வெற்றியாளர் ஆனால் காதலில் அதுவும் ஊடலில் தோல்லி அடைபவர் தான் வெற்றியாளர்.

எனவே இதன் படி தான் முதலில் கதைத்து ஊடலில் தோற்று தான் வெற்றிபெற்றால் காதலன் தோற்றுவிடுவான். காதலன் தோல்வியடைவது காதலியால் தாங்க முடியாது. எனவே அவளும் முதலில் கதைக்க தயங்குகிறாள். (இப்படியான நல்லெண்ணம் கொண்ட “காதலிகள்” என்கிற ஜந்துக்கள் லெமூரியா கண்டத்துடனேயே அழிந்துவிட்டனவாம்.)

எனவே யார் முதலில் கதைப்பதுகாதலனுக்கு ஒரு யோசனை பிறந்தது தான் முதலில் தும்மினால் காதலி நூறு நூறு எனச் சொல்லுவாள் எனவே காதலி முதலில் கதைத்தவளாகுவாளென(அதாவது அக்காலத்தில் ஒருவர் தும்மினால் அருகிலிருப்பவர் நூறு நூறு எனச் சொல்லும் வழக்கம் அப்படிச் சொன்னால் ஆயுள் கூடும் என்கிற மூட நம்பிக்கை.)

இதன் படி காதலன் தும்மியாயிற்று காதலி முதலில் கதைத்தவளாகிறாள். சட்டென காதலி அழத்தொடங்கிவிட்டாள். காரணம் யாதென காதலனுக்கு புரியவில்லை.
நீங்கள் நினைக்கலாம் காதலனை தோற்கடித்து விட்டேனே என்கிற நல்லெண்ணத்தில் அழுகிறாள் என நிச்சயமாக அப்பிடியில்லைகாதலன் தும்மியது,
வேறொருத்தி காதலனை நினைத்ததால் தான் என எண்ணி அழுகிறாள்.(எல்லா காதலிகளும் அறிமுகமாவது நல்லாத்தான் பிறகு தான் வில்லியாவது வழமையான தமிழ் சினிமா)
எனவே யார் அவள் என்றெண்ணி எல்லா பெண்களுக்கும் உரிய உயரிய பண்பான “சந்தேக” புத்தியால் அழுகிறாள்.

பார்த்தீர்களா ! சிங்கங்களே உங்களுக்கு தும்முவதால் எவ்வளவு பெரிய பிரச்சனை உருவாகும் என பார்த்தீர்களா!

ஏதோ அக்காலப் பெண் நீங்கள் தும்மியதால் யாரை நினைத்து தும்மினாய் என கேட்பாள்.இக்காலப் பெண் நீங்கள் தும்மினால் உங்களக்கு “எயிட்ஸ்” என ஓடிவிடுவாள்.

ஆதற்காக தும்மல் வரும் போது தும்மாமல் மறைத்து விடாதீர் (காதலி அருகில் இருக்கும் போது)அப்படி செய்தாலும் இன்னோர் பிரச்சனைஇதோ
குறள்
“தும்மச் செறுப்ப அழுதாள் நுமர்
உள்ளல்ஏம்மை மறைத்தீரோ என்று”

அதாவதுநீங்கள் தும்மாமல் மறைத்தால் உங்கள் காதலி கேட்பாள் உங்கள் மேலே அன்பு கொண்டவள் உம்மை நினைப்பதை நான் அறிந்து கொள்ளக்கூடாது என்று தானே தும்மலை மறைத்தீர் என…..

எப்புடி….உண்மையாக காதலன்கள் பாவமய்யா…உங்கள் துன்ப துயரங்களை இப்படியான குறள்களை படிக்கும் போது தான் உணரமுடிகிறது.

எனவே தும்மாதீர்… தும்மாதீர்…வலு கவனம் தும்மல் வரும் இடங்களை தவிர்த்து கொள்ளுங்கள்.
தும்மல் வரும் இடங்கள்
மிருக்காட்சிசாலை
வெள்ளவத்தை பீச் (புகையிரத புகை)
…………………………….…. , ………………………………….
(தும்மல் வரும் இடங்கள் தெரிந்தவர்கள் வெற்றிடங்களை நிரப்பவும்.)

எனவே சிங்கங்கள் இடங்களை தெரிவு செய்யும் பொறுப்பை நீங்கள் ஏற்றுக்கொள்ளுங்கள்)
“நீ தும்மினால் உன்காதலி உன்னை கைவிடுவாள்
அன்றே வேறொருவர் கைபிடிப்பாள்”

இது யான் யாத்த குறள்.

2010 பரபரப்பும், கிளிநொச்சி பேயும்

2010-02-03T11:46:00.001+05:30

2010 தொடக்கமே பல பரபரப்பு…
சூரிய கிரகணத்தில் தொடங்கி வேற்றுக்கிரக வாசி, மாயமான வெளிச்சங்கள் வரை..

இது வரையும் தோன்றிய கிரகணங்களை விட மிகத்தெளிவாகத் தெரிந்தது இம்முறை கிரகணம்.
இம்முறை சூழலின் மந்தமான நிலையிலேயே கிரகணத்தை உணரமுடிந்தது.

கிரகணம் தோன்றிய அந்நாளில் அதற்கான விளக்கங்களும், சாத்திரம், சம்பிரதாயங்கள் என அன்றைய தினம் ஒரே பரபரப்பு.

சில கோவில்கள் கிரகண நேரத்தில் திறக்கக் கூடாது என பூட்டப் பட்டிருந்ததும், சில கோவில்களில் விசேட பூசைகள் எனவும் ஒவ்வொரு கோவில்களும் தங்களுக்குத் தாங்களே புதிய சாத்திரங்களையும் வழிமுறைகளையும் ஏற்படுத்திக் கொண்டனர்.

இன்னொரு சாத்திரி கிரகண நேரத்தில் “ உணவு கூடாது” என சமயச்சாத்திரங்களுக்கும் விஞ்ஞானத்திற்குமான ஒற்றுமைகளை எடுத்துக்காட்டி எனது அன்றைய மதிய உணவுக்கு தடா போட்டது என பல சமாச்சாரங்கள்.

ஆன்றைய நாள் ஒவ்வொருவரும் தமக்குத் தாமே புதிய புதிய சாத்திரங்களை சொல்லிக்கொண்டதும், ராகு காலங்கள் ஒவ்வொருவருக்கும் வேறுபட்டதும் என கிரகண நாள் கடும் கலகலப்பு..

படம்.

இது ஓய்ந்த பின் வேற்றுக்கிரக வாசிகள், மாயமான வெளிச்சற்கள் என பல அமானுஸ்யங்கள்….

ஒரு சாரார் பறக்கும் தட்டு எனவும், இன்னொரு சாரார் சாத்தான்களின் சதி இவையனைத்தும் எனவும் வரையறுத்தனர்.
இது போதாது என பதிவர் சந்ரு அண்ணனும் காலடித் தடங்களை ஆதாரம் காட்ட பதிவுலகும் பரபரப்பு…

புpன்னர் இவற்றுக்கு விளக்கம் கொடுக்க, ஆதாயம் தேட முனைந்த சிலர் கிரகமாற்றங்கள், உலக ருத்ரத்தை எடுத்துக் காட்டி, மேலும் வேற்றுக்கிரக வாசிகள் கிரகங்களின் அழிவை உணர்ந்ததால் தமக்கு பாதுகாப்பு தேடி வேற்றுக்கிரகத்துக்கு இடம்பெயர முனைகின்றனர் என விஞ்ஞானிகளை மெச்சும் அளவுக்க விளக்கம் கொடுத்தனர்.

இன்னும் சிலர் சாத்தான்களின் சதி தான் இவையனைத்தும், சுனாமி போன்ற இயற்கை அழிவுகளை எடுத்துக்காட்டி இவை யாவும் சாத்தான்களின் சதி பூலோகத்திற்கு சாத்தானின் அச்சுறுத்தல் எனவே எமது மதத்திற்கு வந்து பிரார்தனையில் ஈடுபடுங்கள் 5 கிலோ சீனியும், மாவும் தருகிறோம் என பிரசாரம் செய்கின்றனர்.

ம் …..

இது இப்படியிருக்க
மீள்குடியேறிய மக்கள் பல பேய்களை தமது வீடு, வளவுகளை சுத்தப் படுத்தும் போது கண்டார்களாம்….

இனி மீள்குடியேற்றத்தின் பின் இந்த பேய் பிசாசுகளை வைத்து எத்தனை திருடர்களும், காவலர்களும் தமது “திருட்டு”விளையாடல்களை நடாத்தப் போகிறார்களோ…?

பேயை வைத்து பேய்களின் கூ+றையாடல்கள் இடம்பெற வாய்ப்புகள் அதிகம்.

இருப்பினும்
பேய் இருக்கா? இல்லையா? அது வாறதுக்கு முன்னால ஏதாவது அறிகுறி தெரியுமா? ஏல்லாப் பேய்க்கும் ஒரே வடிவம் தானா?...

அதே சந்ரமுகி கேள்வி…?

பதிவர் சந்திப்பு சீசன் 02 / 02

2009-12-17T17:09:00.003+05:30

பதிவர் சந்திப்பு சீசன் 02 பற்றிய பதிவு 01 ஐ ஏற்கஉவே வெளியிட்டிருந்தேன். அதன் தொடர்ச்சியாக அமைகிறது பாகம் 02

பதிவர் மது (தமிழ் புங்கா)
பதிவர் மது அண்ணனை பததிவுலகுக்கு முன்னமே தெரிந்திருந்தாலும் பதிவர் சந்திப்பு 01 ன் பின்னரே அவரும் ஒரு பதிவர் என அறிந்து கொண்டேன். விளம்பரம் இல்லாமல் பதிவிடும் ஒருவர்.

என்னிடம் ஒரு அன்பான விமர்சனத்தையும் சொன்னார். ஏன் நீங்கள் உங்கள் பதிவில் அடிக்கடி சிங்கம் என்பதை பயன்படுத்துகிறீர்கள்? அதை எடுத்துவிடுங்கள் என.

ஒரு வேளை அரசியல் பக்கம் சிந்திக்கிறாலோ என எண்ணிக்கொண்டேன். மற்ற மாதிரி போட்டா இன்னும் டேஞ்சர் ஆயிடுமே?
இருந்தாலும் தமிழரின் தன்மானத்தை சொல்லி தப்பிக்கொண்டேன்.
இருப்பினும் அவரின் கருத்துக்கு மதிப்பளித்துது இன்றிலிருந்து சிங்கம் தூக்கப்படுகிறது.

இது ஒரு புறமிருக்க சந்திப்பில் பரிமாறிய வடையின் தயாரிப்பாளரும்,இயக்குனரும் மது அண்ணா தான் என்கிற பிந்தியசெய்தி ஒன்றும் கிடைத்தது.

சாப்பிடும் போதே நல்லாயிருந்த வடையைஇந்த செய்தி கேட்டவுடன் மீண்டுடும் ஒரு முறை இரைமீட்டிக்கொள்ளமுயற்சித்தேன்.அவர் வடை சுட்ட அனுபவத்தை ஒருரு தனிப்பதிவில் அவரிடமிருந்து எதிர்பார்க்கலாம்.

பதிவர் சுபாங்கன்.
சந்திப்பின் இறுதியில் ஆறுதலாக பேசிக்கொண்டோம்.

ஐந்தறைப் பெட்டிக்காரன் என்பதால் அடிக்கடி சமயலறைப் பக்கம் சென்றுவந்தார்.
தன்னை முதலாவதாக பின்தொடரந்தவர் நான் எனவும் தற்போது தன்னை பின் தொடர்பவர்கள்100ற்கும் அதிகமானோர் எனவும் சொல்லிக்கொண்டார்.

அதாவது எனது ராசி நல்ல ராசி என்பதே அதன் உள் சித்தாந்தம்.
என்னில் எனக்கே ஒரு சந்தேகத்தை இவ்விடயம் ஏற்படுத்தியிருந்தாலும் கிருத்தியம் முகுந்தன் அண்ணாவிடம் சொல்லி சரிபாரக்க வேண்டும்.

பதிவர் யோ வோய்ஸ்
மொக்கை, சீரியஸ் எந்தப் பதிவாக இருந்தாலும் பின்னூட்டுவதில் இலங்கையிலிருந்து வெளிநாடுகள் வரை பிரபல்யமானவர் . சிறந்த பதிவர்.சந்தித்ததில் மகிழ்ச்சி. அவசரத்தில் வந்து அவசரத்தில் கிளம்ப முயற்சித்தார்.

பதிவர் ஊரோடி
பெயருக்கேற்றாற் போல் ஊரோடி இவர். முதல் சந்திப்புக்கு யாழிலிருந்து வந்தார். இம்முறை நெதர்லாண்டிலிருந்து வந்தார்

சந்திப்பு மேல் அவர் வைத்திருந்த பற்றும் , மரியாதையும் என்னை அவருடன் பேசத் தூண்டினாலும் பண்டிக் காய்ச்சல் பீதியால் சிரிப்புடன் மட்டுறுத்தி விட்டேன்.

பதிவர்சந்ரு.

பல பின்னூட்டங்களள் வாயிலாக சந்தித்துக்கொண்ட சந்ரு அண்ணனை நேரில் சந்தித்த மகிழ்ச்சி. ஒரு சீரியஸ் பதிவரை சந்தித்தது அதை விட மகிழ்ச்சி.

பதிவர் பங்குச் சந்தை.
எனக்கு அடிக்கடி மெயிலில் பங்குச்சந்தை,பங்குச் சந்தை என மெயில் வர நானும் யாரோ மாறிஅனுப்புறாங்கள் எனஎண்ணியிருந்தேன். பின்பு தான் பங்குச் சந்தை பதிவர் என அறிந்து கொண்டேன். பாப்பம் ஏறுதா?இறங்குதா எண்டு? ( பங்குச் சந்தை நிலவரம்)

பெண்கள் பக்கம்
பெண்கள்பக்கமாக ஒரு சிலரே வருகை தந்திருந்தனர்.

பல பெயரறியாதவர்கள் ,முத்தபதிவர்கள், விடுபட்டவர்கள் அனைவரையும் சந்தித்தது மகிழ்ச்சி.
அடுத்த சந்திப்பு எங்கே?எப்போ?அங்கே நேரில் சந்திப்பம்.

இலங்கைத் தமிழ்ப் பதிவர் சந்திப்பு - 02

2009-12-16T11:59:00.003+05:30

இலங்கைப் பதிவர் சந்திப்பு -02 இம்முறை வெகு சிறப்பாக இடம்பெற்று முடிந்தது. ஒரு உறைப்பு, இரண்டு இனிப்பு எனும் விகித அடிப்படையில் உணவு பரிமாறப்பட்டது.

ஏற்பாட்டுக்குழுவினர் 13ம் திகதி, கொழும்பு தேசிய கலை இலக்கியப் பேரவை மண்டபத்தில் இடம்பெறும் என அறிவித்திருந்தினர்.

13ம் திகதி என அறிவிக்கப்பட்டதுமே அதற்கு விளக்கம் தேடிய இலங்கன், பலரின் நம்பிக்கைகளை முறியடிக்கும் வகையில் திகதி தெரிவு செய்யப்பட்டதாக எண்ணிக்கொண்டேன்.(அண்மையிர் 13 பி பார்த்தின் தாக்கம்)இருந்தாலும் கிருத்தியத்தாரின் கண்களுக்கு இந்த விடயம் அகப்படாதது புதுமையே.

13ம் திகதி வீட்டிலிருந்து சந்திப்புக்கு ஆயத்தமாகிக் கொண்டிருக்கும் போதே நண்பன் கோபி கைப்பேசியில் தொடர்பு கொண்டு, வரும் போது இரண்டு கத்தரிக்கோலை கொண்டுவரும்படி பணித்திருந்தார்.

ஏற்கனவே 13ன் பயத்திலிருந்த எனக்கு கத்தரியையும் தொடர்புபடுத்திய போது கபாளத்திலிருந்து அனைத்தும் கலங்கியது. ஒழுங்கமைப்புக் குழுவில் கெளபாய் அண்ணனும் இருப்பதால் ஒருவேளை அவர் ஏதாவது நறுக்கு விளையாட்டுக்களை ஏற்பாடு செய்தாரோ....? என்கிற மேலுமொரு சந்தேகத்தை உண்டுபண்ணியது.

சீ..சீ. பொது நிகழ்வு அப்படியிருக்காது என்றவாறு எதுக்கும் பாதுகாப்பாக மொட்டைக் கத்தரிக்கோல் இரண்டை எடுத்துக்கொண்டு தேசிய கலை இலக்கிய பேரவை மண்டபத்துள் நுழைந்தேன்.

மண்டப வாயிலிலே பதிவர் கோபி தனது இன்முகத்துடன் வரவேற்றார்.
கனககோபி, சுபாங்கன் ஒழுங்கமைப்பு வேலைகளில் ஈடுபட்டிருந்தபடியால் செயற்கையாக வரவழைக்கப்பட்ட ஒரு புன்சிரிப்பை முயற்சி செய்து கொண்டு அவர்களுக்்கு மேலும் இடைஞ்சல் கொடாமல் ஒரு இருக்கையில் போய் அமர்ந்து கொண்டேன்.

(இனி பதிவர் சந்திப்பு தொடர்பாக பலர் பலவிதமாக எழுதுவார்கள் என்பதால் பதிவர்களுடனான எனது சந்திப்பு, மற்றும் பார்வை)

புல்லட்
புல்லட் அண்ணனை பாரத்தவுடனேயே "கணவன் மனைவி மீது கொள்ளும் கோவத்தையொத்த செல்லக் கோவம்" எனக்கு உண்டாயிற்று.

காரணம் பதிவர் சந்திப்பு -01 ல் புல்லட் வழங்கிய அறிவுரையின் பிரகாரம் உங்கள் பதிவு பிரபல்யமாக காண்போர் எல்லோருக்கும் "ஆகா சுப்பர் ஓகோ சுப்பர்" என பின்னூட்ட சொன்னார்.
நானும் வம்புக்கு அவரிலேயே அதை ரெஸ்ற் பண்ணிப் பார்த்ததால் அவர் எனக்கு வைத்த ஆப்பையும், என்னுடைய தமிழில் பிழை பதிவை சரச்சைப் பதிவாக பிரகடனப்படுத்தியதையும், வில்லங்கமான பின்னூட்ட அடிகளையும் எண்ணியே இந்த கோபம்.

கனககோபி
ஏற்கனவே பள்ளியிலிருந்து அறிமுகமானவர் என்பதால், எமது கருத்துக்களும் கலந்துரையாடலும் மிகவும் நெருக்கமாவே இருந்தது.

இருப்பினும் தனது ஒவ்வோர் வேர்வைத்துளியையும் பதிவர் சந்திப்பு - 02 ஒழுங்கமைப்புக்காக சிந்தியிருந்ததை அவரது சேட் சொல்லிக் கொண்டது.
"நனைந்த சேட்டும், சிரித்த முகமும்...." ஆகா என்னுள் கவிதைப் பிரவாகமே ஊற்றெடுத்தாலும் ஒரு ஆணுக்காக எனது கவிதையை செலவிட நான் விரும்பவில்லை.

பதிவர் வந்தியத்தேவன்.
வந்தியண்ணாவைப் பற்றி கோபி மூலம் அறியப்பெற்றிருந்த நான் பதிவர் சந்திப்பு -01 லிலும் சந்தித்தனான்.

இருப்பினும் நேரில் அதிகம் பழகவில்லை. இருப்பினும் சந்திப்பில் "பெண்களும் பதிவுலகமும்" கலந்துரையாடலில் வந்தியண்ணா " பெண்களை அதிகம் கவிதை எழுத வேண்டாம்" என கூறிய போது நான் மனதிற்குள் அடக்கி வைத்திருந்ததை அப்படியே அவர் சொன்ன சந்தோசத்தில் ஒரு பலத்த சிரிபுடன் நானும் ஆதரித்தேன்.

ஏற்கனவே நண்பர் உருவர் கவிதையைப் பாத்து தூங்காமல் இருந்ததாகவும் சொல்லும் போது அதே நண்பர் அதை என்னுடன் தொலைபேசியில் பகிர்ந்து கொண்டு என் தூக்கத்தையும் கெடுத்ததை எண்ணிக்கொண்டேன்.

பதிவர் லோசன்.
லோசன் அண்ணாவை பதிவர் சந்திப்பு -01ல் சந்தித்திருக்கிறேன். அவருடன் பேச ஒரு மேலதிக சக்தி தேவைப்பட்டதால், நான் செயற்கையாக உருவாக்கிக் கொண்ட கனககோபியின் சிரிப்பையொத்த ஒரு புன்சிரீப்பை அவரை கண்டவுடன் பிரயோகித்துக் கொண்டேன்.

பயனுற பதிவெழுதல் பகுதியில் லோசன் அண்ணா "திவர்களை அவர்கள் இஸ்டப்படி எழுதவிடுங்கள்" என்று கூறியது எம்மை மேலும் பலப்படுத்தியது. காரணம் நான் பம்பல் பதிவை சார்ந்தவன் என்பதால் எங்கே பம்பல் பதிவர்களுக்கு அங்கீகாரம் கிடைக்காமல் போய்விடுமோ என்கிற பயம் எனக்கு இருந்தது.

சந்திப்பு இறுதியில் லோசன் அண்ணாவும், அசோக்பரனும் உரையாடிக் கொண்டிருந்த போது எடுக்கப்பட்ட புகைப்படத்தை பார்த்தேன். கவிதைப் பிரவாகம் பெருக்கெடுத்தாலும் கோபி முன்னுரிமையை பெற்றுக்கொண்டதால் அவருக்கு அதை டைவேற் பண்ணுகிறேன்.

மருதமூரான்.
மருதமூரான் அண்ணாவை முதல் சந்திப்பில் பாரத்ததிலிருந்துமுற்றிலலும் வேறுபட்டவராக காணப்பட்டார். போனமுறை கொஞ்சம் சீரியஸாக இருந்த மனுஷன் இந்த முறை வாயே திறக்கவில்லை.
காரணம் போனமுறை பட்ட அனுபவம்.

இருந்தாலும்இம்முறை தப்பிக்கொண்டார். காரணம் இம்முறை சப்ஜெக்டுக்கு வெளியே பேசப்பட்ட விடயம் இருக்கிறம் பத்திரிகை சர்ச்சை என்பதால் யாழ்தேவி தப்பிக்கொண்டது.

கெளபாய் .
கெளபாய் நீட்டலும் வழித்தலும் கூடாது" என்பதற்கு மாறாக போனமுறை சந்திப்பூ01ல் நீண்ட முடியுடன் காணப்பட்ட அண்ணன் இம்முறை பெக்கம் மாக மாறியிருந்தார்.

இவரா அது? இவரின்ர பதிவா அது? என்கிற பல கேள்விகளை எனக்குள்ளே கேட்டுக்கொண்டேன்.

லைவ் ஸ்றீம் சிங்கம் இம்முறையும் சிறப்பாக செய்தார் என வெளியில் இருந்து சொல்லிக் கொண்டார்கள்.

பதிவு நீண்டுவிட்ட படியால் பதிவர் சந்திப்பு -02 ன் கீழ் இரண்டு அடுத்த பதிவில்.

ஒருவர் லஞ்சம் வாங்க எப்படி கற்றுக்கொள்கிறார்? (நகைச்சுவை)

2009-12-10T09:45:00.002+05:30

புதன் காலை லோசன் அண்ணாவின் விடியல் நிகழச்சி கேட்டுக்கொண்டிருந்த போது,
நிகழ்ச்சியில் யருமையான், அவசியமான ஒரு கேள்வியொன்றைக் கேட்டிருந்தார்.
அதாவது “இலங்கையில் அதிகமாக லஞ்சம் வாங்குபவர் எந்தத் துறையினர்? ”; என.
புலர் தொடர்புகளை மேற்கொண்டு பல துறைகளை சுட்டிக்காட்டினர்.
ஆக மொத்தத்தில் எல்லாத்துறையினருமே லஞ்சம் வாங்குகிறார்கள் என்கிற பொது முடிவுக்கும் வரமுடிந்தது.

நுpகழ்ச்சியை கேட்டாப்பிறகு சிங்கம் இலங்கன் ஒரு சமூக நோக்குடன் “எப்படி இவ்வாறான உயர் பதவிகளில் இருப்பவர்கள் லஞ்சம் வாங்க கற்றுக்கொண்டார்கள்? ” என எனக்கு நானே கேள்வியை கேட்டபோது ஓர் அருமையான நகைச்சுவையான விடையும் பிறந்தது.
(நகைச்சுவைக்காக மட்டும்)

அதாவது சின்னவயசில பிள்ளையள் குழப்படி செய்தால் தாய் தந்தையர் டொபி வேண்டித்தாறன் குழப்படி செய்யாதே?

நீ நான் சொல்லுகிற படி நடந்தால் பிஸ்கட் வாங்கித் தருவன். ஏண்டு பிள்ளைகளுக்கு சின்னனிலேயே லஞ்சம் குடுத்துப் பழக்கினதால் தான் அதுகள் பெரிசா வளர்ந்து பெரிய பதவிக்கு வந்தாப்பிறகும் லஞ்சம் கேட்குதுகள்.

சுpன்னப்பிள்ளையளுக்கு சின்னனிலேயே அமைதியாக ஒரு விசயத்தை விளங்கப்படுத்தி அப்பிடி செய்யாதே இப்பிடிச் செய்யதால் இது நடக்கும் என்று விளங்கப்படுத்திறதை விட்டுட்டு பெற்றார் பஞ்சி அலுப்பைப் பாத்து அழுகிற பிள்ளையை அழாமல் செய்ய சொக்லேட் குடுத்தால் சிரிப்பான் என லஞ்சம் குடுத்துப் பழக்கறது.

புpன்னர் அந்தப்பிள்ளை வீட்டிலிருந்து பள்ளிக்கூடத்துக்கு முன்னேறினால் பிறகு (லஞ்சம் தொடர்பான போதிய அறிவு இல்லாத அந்தப்பிள்ளை)
அந்தப்பிள்ளை பள்ளிக்கூடம் போகும் போது படிப்பிக்கிற ரீச்சர், பிள்ளை பாத்து நல்லாப்படிச்சால், கூட மாக்ஸ் எடுக்கிற பிள்ளைக்கு பெரிய பரிசு தருவன் என்று “ஊக்கப்படுத்துகிறேன்” என்கிற பேரில் பிள்ளைக்கு லஞ்சம் கொடுப்பார்.

(பின்னர் அந்தப்பிள்ளை லஞ்சத்தின் அருமை பெருமைகளை புரிந்துகொண்டு லஞ்சம் தொடர்பான போதிய அறிவை பெற்ற பின்னர்)
“பிறிபக்ற்” மாணவ தலைவன் ஆகிய பின்பு பள்ளியில் தெரிந்தவர்களை மன்னித்து தெரியாதவர்களுக்கு தண்டனை வழங்குதல், தெரிந்தவருக்கு முன்னுரிமை (தன்னுடன் நட்பானவர்களுக்கு) , அதிகாரம், அடிமைப்படுத்தும் தன்மை போன்ற அரசியல் அடிப்படை விடயங்களை கற்றுக்கொள்கிறான்.

ஆத்தோடு ஏதாவதொன்றை பெற்றுக்கொண்டு (லஞ்சம் சார்ந்த) என்னைப் போன்ற மாணவர்களை பாடசாலை சுவரேறி பாய அனுமதிக்கிறான்.

புpன்னர் அந்த மாணவன் இவ்வாறாக பாடசாலை கல்லியை முடித்து வேலை தேடி உயர்மட்ட அதிகாரிகளுக்கு மேலாலையும் கீழாலையும் கொடுத்து பட்ட பிறகு,
ஓர் அரசாங்க அல்லது உயர் பதவியொன்றுக்கு வந்ததன் பின்னர் தான் குடுத்ததை பெற்றுக்கொள்ளவும், மேலும் பெற்றுக்கொள்ளவும் மிகத்திருத்தமாக தான் கற்றுக்கொண்ட விடயங்களை மக்களிடம் பிரயோகிக்கின்றான்.

இது தான் லஞ்சம் வாங்குபவன் எப்படி லஞ்சம் வாங்க பழகிக்கொண்டார் என்கிற ரகசியம்.

இலங்கையிலும் இந்தியன் தாத்தாவைப் போல் ஒரு இலங்கன் தாத்தா அவசியப்படுகிறது.

(என்னை சுவரேறி பாய அனுமதி தந்த எந்தவொரு மாணவ தலைவனையும் புண்படுத்துவதற்கான பதிவு இல்லை இது)

………………………………………………………………………..
ஞாபகத்திற்கு வரும் 13ம் திகதி பதிவர் சந்திப்பு சீசன்-2 அனைவரும் வருக. நானும் வாறேன்.

வன்னி இடப்பெயர்வுகள் (சொல்லப்படாதவை)

2009-12-07T17:01:00.002+05:30

சிங்கம் வவுனியாவிற்கான தீடீர் விஜயமொன்றை மேற்கொண்டிருந்தபோது,
வவுனியாவில் இருக்கிற சில சொந்தங்கள் பந்தங்கள் வீடுகளுக்கும் போகவேண்டியிருந்தது.

அங்கே ஒவ்வொரு வீட்டிலயும் வன்னியிலிருந்து இடம்பெயர்ந்து வந்த குடும்பங்கள் இருந்தன.(அதாவது வன்னியிலிருந்து இடம்பெயர்ந்து முகாம்களில் இருந்த சொந்தங்கள் உறவிணைப்பின் மூலமாக தற்போது வவுனியாவில் இருக்கிறார்கள்)
இவர்களையும் சந்திக்க வாயப்புக்கிடைத்தது.

ஒவ்வொருவரும் தாங்கள் பட்ட துன்பங்களையும், அனுபவங்களையும் என்னுடன் பகிர்ந்து கொண்டார்கள்.

பெரிதாக சொந்தங்கள் ஒன்றுக்கும் பாரிய இழப்புகள் இல்லாவிட்டாலும் இறுதிநேரம் வரை வன்னியிலிருந்தவர்கள் என்பதால் பல இன்னல்களை அனுபவித்திருக்கிறார்கள்.

இது ஒருபுறமிருக்க ஒவ்வொரு குண்டுகளின் பெயரையும், அவற்றின் தன்மை, விமானங்களின் பெயர்கள், அவற்றிலுள்ள குண்டுகளின் எண்ணிக்கை இவையனைத்தும் விமானம் ஓடுறவனுக்கு தெரியுமோ தெரியாது ஆனால் வன்னியிலிருந்து வந்த சிறுவர்களுக்குக் கூட தெரியும்.

இடம்பெயர்ந்த மக்களிடத்தில் ஒரு வித சலிப்புத் தன்மையும், விரக்கியும் அவர்கள் பேசுகின்ற பேச்சின் மூலமாக தெரிந்து கொள்ளமுடிந்தது.
ஏதோ ஒரு சன்னியாசி,துறவிகள் பேசுகின்ற மாதிரி அவர்களின் பேச்சு அமைந்திருந்தது.

மக்கள் இடம்பெர தொடங்க முன்னமே பல இன்னல்களை அனுபவித்திருக்கிறார்கள். தங்கள் பிள்ளைகளை காத்துக்கொள்ள இளவயதினர்க்கு திருமணம் வலுக்கட்டயாமாக செய்து வைத்திருக்கிறார்கள்.(இங்கிருந்து காப்பாற்றிக் கொள்ள)

பின்னர் இறுதிக்கட்ட இடப்பெயர்வின் போது யுத்த சூனியப்பிரதேசமாகன அறிவிக்கப்பட்ட இடங்கள், வைத்தியசாலைகள் என எல்லா இடங்களிலுமே குண்டுகள் வந்து விழுந்ததாம்.(ஆங்கே இருந்து)
இங்கே ஆங்கே என்பவற்றின் விரிவை அவற்றின் முதல் எழுத்துக்கள் மூலம் அறிந்துகொள்ள முடியும்)

காயம் காரணமாக வைத்தியசாலைகளில் அனுமதிக்கப்பட்டிருந்தவர்களிள் வைத்தியசாலையில் குண்டு வீழ்ந்து பலர் இறந்ததாகவும் சொன்னார்கள்.(மரத்திலிருந்து வீழ்ந்தவனை மாடேறி மதித்த கதை)

சாப்பாட்டுத் தட்டுப்பாட்டை பற்றி நான் கேட்க ஒருவர் சொன்னதுசெல் குண்டுகளால் பாதிக்கப்பட்டதை விட தான் சாப்பாட்டால் தான் அதிகம் பாதிக்கப்பட்டது என.

அதாவது முள்ளிவாய்க்காலில் தேங்காய் 1500 ருபாவுக்கு விலை போன நேரத்திலை சிலர் தங்கடை கழுத்திலை காதிலை இருந்ததை குடுத்து தேங்காய், சீனி வாங்கினதுகளாம்.(வங்கிகள் செயற்படாமல் இருந்த சமயம்)

வாகனம் வைச்சிருந்த சிலர் தங்களுடைய வாகனங்களை கொடுத்து வான் வைச்சிருந்தவர்கள் தங்களுடைய வானை கொடுத்து 5 தேங்காய் வாங்கியதாகவும், ஆட்டோவைக் கொடுத்து 1ஃ2 கிலோ சீனி வாங்கினதாகவும் சொன்னார்கள்இ

இப்படி பல வியப்பான சம்பவங்கள்.

எந்தப் பக்கத்திலிருந்து சனத்துக்கு அதிகம் பாதிப்பு என நான் ஒரு துணிவான கேள்வி கேட்க,"இங்கிருந்தும் சுட்டார்கள்ஆங்கிருந்தும் சுட்டார்கள்:என்றனர்.இங்கே ஆங்கே என்பவற்றின் விரிவை அவற்றின் முதல் எழுத்துக்கள் மூலம் அறிந்துகொள்ள முடியும்

துப்பாக்கி யார் சுட்டாலும் சுடும் என்கிற சினிமாப்பட டயலொக்குகளின் உண்மைத்தன்மையை உணரமுடிந்தது.
கடைசி நேரத்திலை மனிதர்கள் மிருகங்களானதையும், மிருகங்கள் மனிதரானதையும் பார்த்தாக சொன்'னார்கள்.

அவர்கள் உருகச் சொல்லிக்கொண்ட விடயம் இனியொரு யுத்தம் வேண்டாம் என்பதை தான்.தாங்கள் அவ்வளவு பாதிக்ப்பட்டிருப்பதாக சொன்னார்கள்.

இனியும் நாங்கள் தன்மானம், வீரம் பேசுறதை நிறுத்தி இடம்பெயர்;த மக்களுக்கு ஆறுதல் சொல்லுவோம்.

அவர்கள் வழமை நிலைக்கு விரைவில் வர பிரார்திப்போமாக. இனிவரும் சந்ததியாவது துப்பாக்கி அறியாத சந்ததியாக உருவாகட்டும்.

பதிவர் சந்திப்பு - சீசன் - 2

2009-10-27T14:06:00.009+05:30

ஆகா ஆரம்பிச்சிட்டாங்கய்யா

இரண்டாவது பதிவர் சந்திப்பு..

மீண்டும் தலைநகரில் பதிவர் சந்திப்பாம்.
முதல் சந்திப்பில் நம்ம பதிவர், அறிவிப்பாளர் லோசன் அண்ணா சொன்ன மாதிரி குளு குளு ஏசியில் 2ம் சந்திப்பு நடைபெறும் என எதிர்பார்த்தேன்.

முதல் தடவை பிளானிங் கொஞ்சம் பிசகினதால் பலரின் கைகள் கடித்ததாக அறியக்கிடைத்தது.

எனவே இந்த முறை ஒழுங்கமைப்பாளர்கள் இருக்கிறம் பேப்பர் நிறுவனத்தினர் என்பதால் பதிவர்களின் கைகள் கடிக்காது என நம்பலாம். ரொம்ப நல்லா பிளான் பண்ணியிருப்பாங்க..

இருப்பினும் இந்தத் தடவை என்னால் இந்தச் சந்திப்பில் கலந்து கொள்ள முடியுமா தெரியவில்லை. காரணம் நான் யாழ்ப்பாணத்தில் இருப்பதால்.
இருப்பினும் ஓர் ஆர்வக் கோளாறால் கிளியரன்ஸ்க்கு விண்ணப்பித்திருக்கிறேன்.

பலரின் கருத்துப் படி குறைந்தது 1 மாதமாவது ஆகும் கிளியரன்ஸ் கிடைப்பதற்கு..

இருந்தாலும் ஓர் சப்பாசையில் முன் பதிவு செய்கிறேன்.

முக்கியமாக
இந்தச் சந்திப்பில்
யாழ் தேவிக்கு பெயர் மாற்றம்,
விசைப்பலகை வம்புகள்,
அ கர , உ கர , இ கர வம்புகள் இராது என நம்பலாம்.

நானும் ஓர் வேண்டுகோள் விடுக்கிறேன்
நிறைய பதிவர்கள் பாதுகாப்பில்லாமல் எழுதி வருவதால், அவர்களை பாதுகாக்க ஒரு "பதிவர் நல வாரியம்" அவசியப்படுகிறது.

இந்த பதிவர் சந்திப்பு-2 ஐ ஒழுங்க படுத்தியவர்கள் ஆராய்வார்கள் என நம்பலாம்.
இவ்வாறு ஒரு பதிவர் நல வாரியத்தை ஆரம்பித்தால்
பதிவர்கள் தங்கள்,
திருமணத்திற்கு,
பிரயாணத்திற்கு,
அவசியத் தேவைக்கு,
பிரசவத்திற்கு,
பதிவர் நல வாரியத்தை நாடலாம்.
அங்கே பதிவர்களுக்கென உள்ள கூகுல் கணக்கை டீபான்று ஓர் வங்கிக் கணக்கு அமைந்தால் மானிய அடிப்படையில் பதிவர்கள் நன்மை அடைவார்கள்.

இது என் கருத்து மட்டுமல்ல பலரின் கருத்து.

அத்தோடு நான் முதல் பதிவர் சந்திப்பில் கலந்து கொண்ட போது மடிக்கணணி வாயிலாக நேரடி ஒளிபரப்பை மேற்கொண்டிருந்தார்கள். அப்போது இது எனக்கு அதிகப்படியான விடயமாக தோன்றியது. (இதற்கு செலவு செய்யும் பணத்தில் ஒருவருக்கு தலா 5, 6 வடை, பற்றீசை வழங்கியிருக்கலாம் என எண்ணிக் கொண்டேன்)

ஆனால் தற்போது தூரத்தில் இருக்கும் போது தான் அதன் அருமை புரிகிறது. எனவே சத்தியமாய்ச் சொல்கிறேன். வடை, பற்றீஸ் கொடுக்காவிட்டாலும் பரவாயில்லை. அந்த நேரடி ஒளிபரப்பை மேற்கொள்ளும் படி ஒழுங்கமைப்பாளர்களிடம் பணிவுடன் கேட்டுக் கொள்கிறேன்.

இது நடக்க நம்ம கௌ பாய் அண்ணனும் அருள் பாலிக்க வேண்டும்.

போனமுறை இவரின் கை தான் அதிகமாகக் கடித்தது என அறியக்கிடைத்தது.

பதிவர் சந்திப்பு - 1ஐ விட பதிவர் சந்திப்பு - 2 சிறப்பாக இருக்க வேண்டும் என இறைவனை பிரார்தித்து கொள்கிறேன்.

என்னிடம் வந்த அழகு, காதல், பணம், கடவுள்...

2009-10-06T11:13:00.006+05:30

மீண்டும் பதிவர் கோபி என்னை வம்புக்கு அழைத்திருக்கிறார். அதாவது ஒரு தொடர் பதிவுக்கு அழைத்திருக்கிறார்.
அழகு, காதல், பணம், கடவுள்

அழகு

என்னிடம் இல்லாத விடயங்களில் இதுவும் ஒன்று.

தற்போதைக்கு அழகு என்றால் அது பக்கத்து வீட்டு சகானா தான்.

அதாவது பக்கத்து வீட்டில் இருக்கும் வெறும் நான்கு வயது நிரம்பிய சகானா என்கிற குழந்தை.

பொதுவாக எல்லா குழந்தைகளும் அழகு தான். சூது, வாது தெரியாத பொய், களவு அறியாத பருவம் குழந்தை பருவம்.

எல்லா மனிதனும குழந்தையாக இருக்கும் போது ஒரே மாதிரியாகத் தான் இருப்பார்கள்.

அவர்களிடம் எந்த வஞ்சகமும் இருக்காது.

எனவே என்னை பொறுத்தவரை தறந்போதைக்கு பக்கத்து வீட்டில் இருக்கும் சகானா என்கிற குழந்தையின் செல்லச்சிரிப்பிலும், செல்ல குறும்பிலும் மட்டுமே அழகை காணமுடிகிறது.

காதல்

சிங்கத்திற்கு பாடசாலை காலத்திலிருந்து இன்று வரை எந்தவொரு காதல் என்கிற அசம்பாவிதமும் நடந்ததே இல்லை.
காரணம்

பாடசாலை காலத்தில் நானும் எனது சகாக்களும் இணைந்து செய்யும் குறும்பு வேலைகளிலேயே எனது பாடசாலை காலத்தை வீணடித்து விட்டதால்,

அதாவது

எங்கே களவாக இளநீர் குடிக்கலாம், எங்கே பெண்களின் சாப்பாட்டுப் பெட்டியை திருடி தின்னலாம், யாருடைய சைக்கிளில் வால்கட்டை புடுங்கலாம்,

போன்ற சமூக சேவைகளில் நானும் எனது சகாக்களும் ஈடுபட்டு வந்ததால் இந்த காதல் கத்தரிக்காயில் ஈடுபட ரைம் கிடைக்கவில்லை.

அத்தோடு எங்கடை கிளாசில படிச்ச எல்லா பெண்களிடமும் நிறைய காசு கடன் வாங்கியிருக்கிறேன் இற்றை வரை திருப்பி கொடுக்கவில்லை.

எனவே அவளவையின் கண்களுக்குள் நான் மாட்டுப்படவும் சந்தர்ப்பம் இல்லை. ஏனெனில் நான் அவர்களின் கண்களுக்கு கடன்காரனாக மட்டுமே தான் தெரிவேன்.

ஆக மொத்தத்தில் காதல் என்னோடு சம்பத்தப்படாத விடயம்.பின்னர் ஏலெவலுக்கு வந்தாப்பிறகு கூடப்படிக்கிற பொடியன்கள் தங்களுடைய காதல் கதைகளை சொல்லி உசுப்பேத்த பாப்பினம் அப்பவும் சிங்கம் அசந்ததே இல்லை.

என்னைப் பொறுத்தவரை காதல் என்'பது பல பிரச்சனைகளை கொண்ட சிக்கலான கட்டமைப்பு.

ஒரு ஆண், பெண் ஆகிய மூலக்கூறுகள் இணைந்து காதல் என்கிற சிக்கலான கட்டமைப்பை உருவாக்குவது கடினம்.

ஆக மொத்தத்தில் எனக்கு இயலாத, கடினமான, வேண்டாத வேலலைதான் காதல்.

இந்தத் தொழிலில் ஈடுபட துணிவு மிக அவசியம். அது நம்மிடம் நிச்சயமக இல்லை என்பது உலகறிந்ததே.

பணம்.

பணம் இல்லாதவர் பிணத்திற்கு சமம்.

பணம் பத்தும் செய்யும் என பல பழமொழிகள் உண்டு.

என்னைப் பொறுத்தவரை பணம் அதிக பிரச்சனை தருவது நடுத்தர வர்க்கத்திற்கே.

ஏழை மனிதனொருவர் தனது ஒரு நாள் தேவைக்கே பணம் தேடுகின்றான். அவன் அதற்கு மேல் தேட நினைப்பதுமில்லை தேடவும் முடியாது.

ஆனால் நடுத்தர வர்க்கத்தினரையே பணம் பந்தாடுகிறது.

கிரடிட் காட்

வங்கி லோன்

இன்கூரன்ஸ் போன்ற ஆபத்தை விளைவிக்க வல்ல அனைத்தும் நடுத்தர வர்க்கத்தினருக்காகவே உருவாக்கப்பட்டது.

சடுத்தர வர்க்கத்தினரை அலை பாய வைத்து அவர்களை சிப்பிலியாட்டுவது பணம் தான்.

கடவுள்

கடவுள் என்பது எங்கட வீட்டில் இருக்கின்ற ரோல் பிளக்கை போன்றது. அதாவது எங்கள் வீட்டு ரோல் பிளக்கில் கரண்ட் இருக்கா இல்லையா என்பதை கண்டுபிடிக்க முடிவதில்லை அதைப் போல் கடவுள் இருக்கிறாரா இல்லையா என்பதை என்னால் இற்றை வரை உணர முடிவதில்லை.

அண்மையில் கடவுளிடம் மனமுருக இரண்டு விடயத்துக்'காக வேண்டிக் கொண்டேன்.

அதில் ஒன்று நடந்து விட்டது. மற்றையது நடக்கவில்லை.

ஆக மொத்தத்தில் கடவுள் என்பது பத்தாம் வகுப்பு கணிதப்புத்தகத்தில் உள்ள நிகழ்தகவு பாடம் தான்.

சுருங்கச் சொல்லின் உலகம் என்கிற கணிதப் புத்தகத்தில் கடவுள் என்'பது ஒரு நிகழ்தகவு பாடம்.

இதை தொடர பதிவர் தங்க முகுந்தனை அன்போடு அழைக்கின்றேன். நாள், நட்சத்திரம் பார்த்து அவர் பதிவிடுவார் என நம்புகிறேன்.

நம்மகிட்ட தேவதையா? (தொடர் விளையாட்டு)

2009-09-18T11:02:00.006+05:30

பதிவர், நண்பன் கோபி ஒரு தொடர் விளையாட்டில் என்னை அழைத்து வம்பில் மாட்டி விட்டதாலும், இனி அவர் இவ்வாறானதொரு தொடர் விளையாட்டுக்கு அழைக்கக் கூடாதென்பதற்காகவும் இந்தப்பதிவு.

10 வரங்களைத் தரக்கூடிய தேவதை என் முன்னால் தோன்றினால் நான் என்னென்ன வரம் கேட்பேன் என்பது தான் இந்த தொடர் விளையாட்டு.

முதலாவது வரம் நான் கேட்கும் ஒரே ஒரு சீரியஸ் வரம்

1. முகாம்களில் இருக்கும் சொந்தங்கள் வெளியே வரவேண்டும் என எல்லோர் கேட்பதும் எப்போது நடக்கும் என எனக்குத் தெரியாது. ஆகவே அவர்கள் முகாம்களில் இருக்கும் வரை அவர்கள் இருப்பிடத்திற்குள் மழையே வரக்கூடாது. அதிக வெயில் அடிக்கக்கூடாது. நல்ல சுவாத்தியமான காலநிலை இருக்க வேண்டும். இதுவே என் சீரியஸ் வரம் இனி என் பம்பல் வரங்கள்

2. "வோசிங் மெசின்" கேட்பேன். (இது தொடர்பாக முழு விளக்கம் தர வேண்டிய அலசியம் இல்லை இது பற்றி ஒரு பதிவே இட்டிருக்கிறேன். தெரியாதவர்கள் என் இரண்டு இடுகைகளுக்கு முன்னோக்கி சென்று பார்க்க வேண்டும்.)

3. கிரிக்கெற் வீரர்கள் முரளி, சச்சின், ஹர்பஜன், யுவராஜ் ஆகியோரை நேரில் பார்க்க வேண்டும். அதிலும் முரளி, சச்சின் ஆகியோரிடம் அன்பால் ஒரு சின்ன செல்லக் கடி கடிக்க வேண்டும். ஹர்பஜன், யுவராஜ் ஆகியோரை கேவலமாக, ஆக்ரோசமாக, கோவமாக திட்டி நறுக்கென ஒரு கோவக்கடி கடிக்க வேண்டும்.

4. இனி நான் எடுக்க இருக்கும் எல்லா பரீட்சைகளிலும் சித்தியடைய வேண்டும்.

5. தற்போது நான் யாழ்ப்பாணத்தில் இருப்பதால் இங்கு பல கிரிக்கெட் சுற்றுப் போட்டிகளில் விளையாடுவதால் நான் விளையாடுகின்ற எல்லா போட்டிகளிலும் சராசரி ஓட்டமாக ஒரு 15 ஆவது பெற வேண்டும். குறைந்தது ஒரு விக்கெட் ஆவது வீழ்த்த வேண்டும்.

6. இதுவும் ஒரு சீரியஸ் வரம் யாழ்ப்பாண தனியார் பஸ் அதுவும் பண்டத்தரிப்பு- யாழ்ப்பாண பஸ்ஸில் நடத்துனர்கள் பிரயாணிகளை அளவாக பஸ்ஸில் ஏற்ற வேண்டும். (பண்டத்தரிப்பு-யாழ்ப்பாணம் பஸ்ஸில் ஒருவர் ஏறினால் யாழ்ப்பாணத்தில் இறங்கும் போது நிறம் மாறிய மனிதர்களாக தான் இறங்குவர். மண் வாசனையும் வீசும்)

7. ஒரு முறையாவது ஒரு சீரியஸ் பதிவு போடணும். நாளுக்கு என் பதிவை ஆயிரம் பேர் பாக்கணும். (என்ன தான் சீரஜயஸா எழுதினாலும் அது பம்பல் பதிவ ஆயிடுது)

8. ஒரு முறையாவது யாராவது கடன் கேட்கும் போது கடன் குடுக்கணும். அதே போல் நான் வாங்கிய கடன்கள் இனைத்தும் திருப்பி கொடுக்கணும்.

9. நான் பணத்தை செலவு செய்து பார்க்கும் சினிமா படங்கள் அனைத்தும் நல்ல படங்களாக இருக்க வேண்டும். (சினிமாவில் நன்றாக நடிக்கத் தெரிந்தவர்கள் மட்டும் நடிக்க வேண்டும் அதற்கு ஆர்.கே, ஜே.கே போன்றவர்கள் சினிமாவை விட்டு ஓடணும்)

10. நான் தற்போது யாழ்ப்பாணத்தில் இருக்கும் வரையாவது கையடக்க தொலைபேசிக்கு நல்ல கவரேஜ் கிடைக்கணும்.

இவையனைத்தும் வரம் என்பதற்கப்பால் இப்படி இருந்தால் நல்லா இருக்கும் என்பது தான்.

இதற்கு யாரும் வரம் தர தேவையில்லை. அவரவர் வேலையை அவரவர் செவ்வனே செய்தால் எல்லாம் நடக்கும். இதை நான் யாரும் தொடர விரும்பவில்லை காரணம் யாம் பட்ட துன்பம் வேறொருவரும் பட விரும்பவில்லை.

தும்மல் காதல்

2009-09-10T12:41:00.007+05:30

யான் எனது வழமைக்கு மாறான எனது செயற்பாடாக புத்தகம் ஒன்றை வாசித்த போது (நறுந்தமிழ்) நறுந்தமிழ் என்பதை கவனமாக உச்சரிக்கவும். அப்புத்தகத்தில் “தும்மலும் காதலும்” என, திருக்குறளில் இடம்பெற்ற குறள்களுக்கான விளக்கத்தை ஒரு சிறு கதையாக நகைச்சுவையுடன் எழுதியிருக்கிறார் நூலாசிரியர்.

திருக்குறளில் இவ்வாறான சுவையான அம்சங்கள் இருப்பதை இப்புத்தகத்தை வாசித்ததன் பின்னரே அறியக்கிடைத்தது.

திருக்குறளில் இவ்வாறான அம்சங்களும் இருக்கிறது எனத் தெரிந்திருந்தால் சிங்கம் முதலாம் வகுப்பிலிருந்தே திருக்குறளை தினமும் பயின்றிருக்கும். (5ம், 6ம் வகுப்பு ஆசிரியர்களையும் நான் கடுமையாக சாடுகிறேன். சிறு வயதிலே அகர முதல என்பதை நிறுத்தி இன்பத்துப்பால், காமத்துப்பால் குறள்களை எமக்கு கற்பித்திருந்தால் 1330 குறள்களையும் நான் மிகக் கவனமாக மனப்பாடம் செய்திருப்பேன்.

தற்போது என் மனதில் நிற்கும் குறள்கள்

“ஊடலில் தோற்றவர் வென்றார் அதுமன்னும்
கூடலில் காணப்படும்”

“ஊடி இருந்தோமாத் தும்மினார் யாம் தம்மை
நீடு வாழ்க என்பாக்கு அறிந்து”

“வழுத்தினாள் தும்மினேனாக அழித்தழுதாள்
யார் உள்ளித் தும்மினீர் என்று”

அதாவது (விளக்கம்) இந்நான்கு குறள்களுக்குமான விளக்கம் ஒரு சிறு கதையாக.

இரண்டு காதலர்கள் (சிறு பிரச்சனையால் ) (ஊடலில்) ஒருவருடன் ஒருவர் கதைக்காமல் நீண்ட நேரம் இருக்கிறார்கள். (அருகருகில்) இருவருக்கும் சிறு சங்கடம் நீண்ட கதைக்காமல் இருப்பதால், எனவே இதை நீள விடாமடல் யாராவது ஒருவர் முதலில் கதைப்போம்என இருவரும் மனதளவில் நினைத்திருந்தும் இருவருக்கும் இன்னோர் பிரச்சனை. அதாவது

காதலனுக்கு தான் முதலில் கதைப்பதா? ஏன்கிற(“குஷி” பிரச்சனை. அகம்புடிச்ச கழுதை ஈகோ)

காதலியின் பிரச்சனை வேறு, அதாவது காதலி தமிழிலக்கியம் படித்தவள்.

தமிழிலக்கியங்களிலே காதலர்கள் தொடர்பான ஒரு விடயம் இருக்கிறதாம். அதாவது எந்தப் போட்டியாக இருந்தாலும் வெற்றி பெறுபவர் தான் வெற்றியாளர் ஆனால் காதலில் அதுவும் ஊடலில் தோல்லி அடைபவர் தான் வெற்றியாளர். எனவே இதன் படி தான் முதலில் கதைத்து ஊடலில் தோற்று தான் வெற்றிபெற்றால் காதலன் தோற்றுவிடுவான். காதலன் தோல்வியடைவது காதலியால் தாங்க முடியாது. எனவே அவளும் முதலில் கதைக்க தயங்குகிறாள். (இப்படியான நல்லெண்ணம் கொண்ட “காதலிகள்” என்கிற ஜந்துக்கள் லெமூரியா கண்டத்துடனேயே அழிந்துவிட்டனவாம்.)

எனவே யார் முதலில் கதைப்பது

காதலனுக்கு ஒரு யோசனை பிறந்தது தான் முதலில் தும்மினால் காதலி நூறு நூறு எனச் சொல்லுவாள் எனவே காதலி முதலில் கதைத்தவளாகுவாளென

(அதாவது அக்காலத்தில் ஒருவர் தும்மினால் அருகிலிருப்பவர் நூறு நூறு எனச் சொல்லும் வழக்கம் அப்படிச் சொன்னால் ஆயுள் கூடும் என்கிற மூட நம்பிக்கை.)

இதன் படி காதலன் தும்மியாயிற்று காதலி முதலில் கதைத்தவளாகிறாள். சட்டென காதலி அழத்தொடங்கிவிட்டாள். காரணம் யாதென காதலனுக்கு புரியவில்லை.

நீங்கள் நினைக்கலாம் காதலனை தோற்கடித்து விட்டேனே என்கிற நல்லெண்ணத்தில் அழுகிறாள் என நிச்சயமாக அப்பிடியில்லை

காதலன் தும்மியது, வேறொருத்தி காதலனை நினைத்ததால் தான் என எண்ணி அழுகிறாள்.
(எல்லா காதலிகளும் அறிமுகமாவது நல்லாத்தான் பிறகு தான் வில்லியாவது வழமையான தமிழ் சினிமா)

எனவே யார் அவள் என்றெண்ணி எல்லா பெண்களுக்கும் உரிய உயரிய பண்பான “சந்தேக” புத்தியால் அழுகிறாள்.

பார்த்தீர்களா ! சிங்கங்களே உங்களுக்கு தும்முவதால் எவ்வளவு பெரிய பிரச்சனை உருவாகும் என பார்த்தீர்களா!

ஏதோ அக்காலப் பெண் நீங்கள் தும்மியதால் யாரை நினைத்து தும்மினாய் என கேட்பாள்.

இக்காலப் பெண் நீங்கள் தும்மினால் உங்களக்கு “எயிட்ஸ்” என ஓடிவிடுவாள்.

ஆதற்காக தும்மல் வரும் போது தும்மாமல் மறைத்து விடாதீர் (காதலி அருகில் இருக்கும் போது)
அப்படி செய்தாலும் இன்னோர் பிரச்சனை

இதோ குறள்

“தும்மச் செறுப்ப அழுதாள் நுமர் உள்ளல்
ஏம்மை மறைத்தீரோ என்று”

அதாவது
நீங்கள் தும்மாமல் மறைத்தால் உங்கள் காதலி கேட்பாள் உங்கள் மேலே அன்பு கொண்டவள் உம்மை நினைப்பதை நான் அறிந்து கொள்ளக்கூடாது என்று தானே தும்மலை மறைத்தீர் என…..

எப்புடி….

உண்மையாக காதலன்கள் பாவமய்யா…
உங்கள் துன்ப துயரங்களை இப்படியான குறள்களை படிக்கும் போது தான் உணரமுடிகிறது.

எனவே தும்மாதீர்… தும்மாதீர்…
வலு கவனம் தும்மல் வரும் இடங்களை தவிர்த்து கொள்ளுங்கள். தும்மல் வரும் இடங்கள்
தெகிவளை மிருக்காட்சிசாலை
வெள்ளவத்தை பீச் (புகையிரத புகை)
…………………………….
…………………………………….(தும்மல் வரும் இடங்கள் தெரிந்தவர்கள் வெற்றிடங்களை நிரப்பவும்.)

எனவே சிங்கங்கள் இடங்களை தெரிவு செய்யும் பொறுப்பை நீங்கள் ஏற்றுக்கொள்ளுங்கள்)

“நீ தும்மினால் உன்காதலி உன்னை கைவிடுவாள்
ஆன்றே வேறொருவர் கைபிடிப்பாள்”
இது யான் யாத்த குறள்.

தமிழில் பிழை. (யான் பட்ட துன்பம்.)

2009-08-31T11:41:00.006+05:30

தமிழ் எழுத்துக்களில் மாற்றம் தேவை. பல தடவை இது தொடர்பாக பலர் தமது கருத்துக்களை தெரிவித்திருத்தும் இதற்கான சரியான முடிவு எட்டப்படவில்லை. அதாவது தமிழ் எழுத்துக்கள் சிலவற்றில் சில மாற்றங்கள் அவசியமாக தேவைப்படுகின்றன.

உதாரணமாக “farvis” என்ற பெயரை தமிழில் எழுதினால் “பர்விஸ்” என்று தான் உச்சரிக்க முடிகிறது. அதாவது “fa” என்ற தொனியை தரும் எழுத்து தமிழில் இல்லை.

“bus”ஐ தமிழில் எழுதி உச்சரித்தால் “பஸ்” என்று தான் உச்சரிக்க முடிகிறது. சரியான தொனியில் தமிழில் உச்சரிக்க முடிவதில்லை.
எனவே இவ்வாறான பிறமொழி எழுத்துக்களின் ஒலியை தரக்கூடிய சரியான எழுத்து தமிழில் இல்லை. புதிய சொற்களின் அறிமுகம் கிடைக்கும் போது, தமிழில் அவற்றிற்கான சரியான எழுத்துக்கள் அவசியமாகின்றன.

எனவே இவ்வாறான எழுத்துக்களுக்கு தமிழில் புதிய எழுத்துக்கள் தேவைப்படுகின்றன. “fa” என்பதற்கு தமிழில் ‘பf ” என்றோ அல்லது ‘fa” என்ற உச்சரிப்பை சரியாக மேற்கொள்ளக்கூடிய எழுத்து தேவை.

இதே போல “bandara” என்ற பெயரை தமிழில் “பண்டார” என்று எழுதும் போது சரியான உச்சரிப்பு கிடைப்பதில்லை. எனவே இதற்கும் ‘ba” என்பதற்கு தகுந்த தமிழ் எழுத்து அவசியமாகின்றது.

தமிழில், முஸ்லீம் உணவகங்கங்களில் ‘fa” என்பதற்கு “பf ” என்ற எழுத்து அதிகமாக பயன்படுத்தப்படுகின்ற போதும் (உலகளாவிய ரீதியில்) பொதுவாக இந்த எழுத்துக்களுக்கு சரியான அங்கீகாரம் கிடைக்கவில்லை.
ஆனால் சகோதர மொழியில் (சிங்கள மொழியில்) “fa” என்ற எழுத்து

காணப்படுகின்றது.
இதே போன்று சிங்களத்தில் உள்ள " ga

ஒலியை தரும் எழுத்துக்களும் தமிழில் இல்லை.

எனவே தமிழிலும், புதிய சொற்கள் அதிகம் பயன்படும் அந்நிய சொற்களை சரியாக உச்சரிக்கத்தக்கவாறான சரியான தமிழ் எழுத்துக்களும் தேவைப்படுகின்றன.

இவ்வாறான மாற்றங்கள் தமிழில் ஏற்படுத்தப்படுமாயின் பிற சொற்களுக்கும் அந்நிய மொழிகளுக்கும் ஏற்றவாறான சரியான உச்சரிப்பை தமிழில் கொடுக்க முடியும்.

இவ்வாறான நடவடிக்கை உடனடியாக எடுக்கப்படவேண்டும்
காரணம்
1. சில விளையாட்டு வீரர்களின் பெயர்களை தமிழ் பத்திரிகைகளில் வாசிக்கும் போது கன்றாவியாகவிருக்கிறது.

2. என்னைப் போன்ற சிங்கங்கள் பரீட்சைகளில் “பிட்” அடிக்கும் போதும் உச்சரிப்புப் பிழையால் பாதிக்கப்படுகின்றனர்.

3. முக்கியமாக நான் இதை எழுத காரணம் spoken தமிழ் - சிங்கள புத்தகங்களில் சிங்கள சொற்களை தமிழில் எழுதும் போது அவற்றிற்கான உச்சரிப்பு தமிழில் வேறு படுகின்றது. இது தெரியாமல் சிங்கள சொல்லொன்றை தமிழில் வாசித்து அதன் பிரகாரம் (ஆங்கில) வகுப்பில் சிங்கள நண்பியொருவருடன் உரையாட, உச்சரிப்பு பிழையால் சிங்களத்தில் அது கெட்டவார்த்தையாக மாறி பலத்த சங்கடத்தை ஏற்படுத்தி விட்டது.
(என்ன சொல் என்பதை வெளியிட முடியாத காரணத்தால் தணிக்கை செய்யப்பட்டுள்ளது) எனவே வலு கவனம்.

ஆங்கில பல சொற்களுக்கு தமிழில் சரியான எழுத்துக்கள் இல்லாமையால் அவை கெட்டவார்த்தைகளாக உச்சரிக்கப்படக்கூடிய சந்தர்ப்பங்கள் அதிகம் காணப்படுகின்றன.

தமிழில் புதிய எழுத்துக்கள் தேவைப்படுகின்றன. எனவே தமிழ் ஆய்வாளர்களே, தமிழ் ஆசான்களே, தமிழ் பெரியார்களே இது உங்களின் கடமையல்லவா?

இதற்கு சரியான நடவடிக்கை எடுக்கப்படும் வரை நான் எனது கழுகு கண்களால் பார்த்துக்கொண்டே இருப்பேன். (news first)
தெரிவிப்பது இலங்க(ய)ன் தீர்மானிக்க வேண்டியது நீங்கள்.

இயற்கையிற்கு புது வரைவிலக்கணம் நயன்தாரா

2009-08-27T10:09:00.009+05:30

(சீரியஸ் பதிவு)
இயற்கைக்கு புது வரைவிலக்கணம் வேண்டும்.
காரணம் ஒரு தொலைக்காட்சியில் அடிக்கடி ஒளிபரப்பாகும் வாசகங்கள் இவை.

“ இயற்கையை பாதுகாப்போம்”
“ இயற்கைத்தாயை பாதுகாப்போம்”
“இயற்கை இறைவன் தந்த அருங்கொடைகளில் ஒன்று” எனவே இயற்கையை பாதுகாப்போம். இயற்கை அழிவை தடுப்போம்.

தற்காலத்தில் இவ்வாறான வாசகங்கள் மக்களை சென்றடையுமா? என்பது கேள்வி?

தற்காலத்தில் இயற்கையை தாயிற்கோ, கோயிலுக்கோ உவமித்தல் தகுமா? ( ஆரம்பகாலத்தில் ஏற்றுக்கொள்ளப்பட்டன. மரவழிபாட்டிற்கென ஒரு வேத காலமே இருந்தது)

ஆனால் இப்ப…

அனேக தாய்மார்கள் முதியோர் இல்லங்களில் வாழ்வதால், தாய்க்குலங்களையே கவனிக்கமுடியாத நிலையில் எப்படி இயற்கையை பாதுகாப்பது?

“ஆலயம் தொழுவது வேலை மினக்கேடு” என்றாகிவிட்ட இந்நிலையில் இயற்கையை, இறைவன் தந்த அருங்கொடை, வரப்பிரசாதம், செல்வம் என்றெல்லாம் கூறுவது ஏற்றுக்கொள்ளப்படுமா?

இயற்கையை பாதுகாப்பதற்காகவென பல அமைப்புகள் உருவாக்கப்பட்டு வருகின்றன. இவையும் எவ்வகையில் சாத்தியம்? எனவே எனது யோசனைப்படி இயற்கைக்கு புது வரைவிலக்கணமும் உவமையும் தேவை.

எனவே ………….

இயற்கையை நமீதாவுக்கோ, நயன்தாராவுக்கோ ஒப்பிடும் போது நம் இளைஞர்களுக்கு மத்தியில் (எனக்கும்) ஒரு தனிக்கவனம் இயற்கை மீது தோன்றும்.

எனவே கவிஞர்களும் நமீதா, நயன்தாராவை இயற்கை வளங்களை (பூ, மரம், செடி, கொடி, நீர்வீழ்ச்சி, வானம், காற்று, மழை…..) உவமித்து பாடுவதை நிறுத்தி இயற்கை வளங்களை நமீதா, நயன்தாராவுக்கு உவமித்தால் இன்னும் சிறப்பாக இருக்கும்.

உதாரணத்துக்கு ரம்பாவின் கால்கள் வாழை மரத்தை போல என்று வர்ணிப்பதை தவிர்த்து, வாழை மரம் ரம்பாவின் கால்கள் போன்றது என்று வர்ணித்தால் வாழை மரத்தை வெட்டும் ஒவ்வொரு மனிதனும் ரம்பாவின் கால்களையா நாம் வெட்டுகின்றோம் என்று யோசிப்பான்.

இவ்வாறு உவமித்தால் இயற்கை வளங்கள் பாதுகாக்கப்படும்.
எனவே ஒவ்வொரு இயற்கை வளங்களை அழிக்கும் மனிதனும் சற்றுச் சிந்தித்து விழிப்புடன் இருப்பான்.

இயற்கை வளங்களை பாதுகாக்கவென புதிய அமைப்புக்கள் உருவாக்கப்படத்தேவையில்லை. தானாகவே இயற்கை வளங்களை பாதுகாப்பதற்கான அமைப்புகள் உருவாகும் ரசிகர் மன்றங்களின் வாயிலாக.
எனவே இயற்கையை பாதுகாக்க இவ்வாறான அதிரடி நடவடிக்கைகளை சம்பந்தப்பட்டவர்கள் மேற்கொண்டால் சிறப்பு.

நான் உதாரணத்துக்காக சொன்ன நமீதா, நயன்தாரா எல்லோராலும் ஏற்றுக்கொள்ளக்கூடியதாக இருக்குமோ தெரியவில்லை.

ஏனெனில் அண்மையில் “யாழ்தேவி” திரட்டி தொடர்பான சர்ச்சையைப் போன்று அமையாமல் எல்லோராலும் ஏற்றுக்கொள்ளத்தக்க ஒருவர் அவசியம் எனவே என்னால் முடிந்த சில பரிந்துரைகளை தருகிறேன் எல்லோராலும் ஏற்றுக்கொள்ளத்தக்க ஒருவரை தெரிவு செய்து இயற்கையை அழியாமல் பாதுகாப்போம்.

உங்களால் முடிந்தால் பின்னூட்டம் வழியாக பரிந்துரை செய்து பொதுவான ஒருவரை தேர்வு செய்யும் படி தாழ்மையுடன் கேட்டுக்கொள்கிறேன்.

கோலிவூட் பரிந்துரைகள் :
த்ரிஸா, தமன்னா, ஸ்ரேயா, மும்தாஜ், சோனா(வடிவேல்), ஸ்னேகா, ப்ரியாமணி, சானாகான் (புது ரம்பா), பழைய ரம்பா……….

பாலிவூட் பரிந்துரைகள் :
மல்லிகா செராவத், ஸில்பா செட்டி, அசின், ஸ்ருதி ஹாஸன், ஜெனிலியா…….

இலங்கன் வழமைக்கு மாறாக அறிவு பூர்வமாக, உலகை நோக்கிய பார்வையில் சமூக சிந்தனையுடன் எழுதிய பதிவு இது.
பி.கு: என் சுய கௌரவத்தை பாதிக்கும் வண்ணம் போலியான கிசு கிசு செய்திகள் வெளிவருகின்றன போலிகளை கண்டு ஏமாறாதீர்கள். http://tamilgopi.blogspot.com

பதிவர் சந்திப்பும் பற்றீசும்.

2009-08-23T19:52:00.004+05:30

பதிவர் சந்திப்பு சிறு விமர்சனம்.
வடையும், பற்றீசும், ரீயும் நன்றாக இருந்தது. ( கேக்கை சுவைபார்க்கவில்லை). பதிவர் சந்திப்பு பதிவர் ஒன்றுகூடல் என அனைத்து தளங்களினதும் விளம்பரத்தோடு பரபரப்பாக தமிழ் சங்க விநோதன் மண்டபத்தில் பதிவர்களை ஒன்றாக காணக்கிடைத்தது மிக்க மகிழ்ச்சி.

ஆனால் பலத்த எதிர்பார்ப்போடு போனவர்களுக்கு எதிர்பார்த்ததைத் போன்று அதிகம் கிடைக்காதது பலத்த ஏமாற்றம். அண்மையில் எதிர்பார்ப்போடு போன சேரனின் “பொக்கிசம்” போல.

ஆவலுடன் பார்க்கவேண்டும் என்றிருந்த சில பதிவர்களை காணக்கிடைத்தது மிக்க மகிழ்ச்சி. எனது அபிமான புல்லட், வந்தியத்தேவன், தமிழ் பூங்கா, சர்வேஸ்வரன், ஆதிரை போன்ற பலரை காணக்கிடைத்தது மிக்க மகிழ்ச்சி.
இடையிடையே புல்லட்டின் காமெடி கலகலப்பு.

புல்லட்டின் ஆலோசனைக்கு அமைய இனி என்னுடைய பதிவுக்கு ஹிட்ஸ் மற்றும் வருகை தந்தோரின் எண்ணிக்கை ஆகியன அதிகரிக்கும் என்றொரு நம்பிக்கை.

இரண்டு தடவை பற்றீஸ் கிடைத்தது இரட்டிப்பு மகிழ்ச்சி. மொத்தத்தில் பதிவர் சந்திப்பில் வடை, பற்றீஸ், ரீ, பதிவர் புல்லட், வந்தி இவையெல்லாம் ப்ளஸ். மற்றெல்லாம் ………..

மதிப்பெண் நூற்றுக்கு ஐம்பது போடலாம்.

இது முதல் தடவையென்பதால் இனி வரும் ஒன்றுகூடல்கள் சிறப்பாக இருக்கும் என நம்பலாம். இவ்வாறானதொரு சந்திப்பை ஏற்படுத்தியதே பெரிய விடயம்.
பெட்டியில் ஏதாவது போடணும்னு மனதார நினைத்திருந்தாலும் என் கையால் எதுவும் போட முடியாமை சிறு வருத்தம். (உண்மையா சொல்லுறேன்)

யார் யார் பெட்டியில் போடுகிறார்கள் என்பதை வாசலில் இருந்து படம் பிடித்து கொண்டிருந்த “கமராவின்” கண்களுக்குள் அகப்படாமல் வெளியே வர போதும் போதும் என்றாகிவிட்டது.

புதுக்கவிஞன் விமல்

2009-01-25T11:03:00.002+05:30

வலைப்பதிவு எழுத ஆரம்பித்து இன்றுடன் கிட்டத்தட்ட மூன்று மாதம் ஆகின்ற இந்த வேளையில், புதிதாக பதிவிலிட முன்பிருந்த ஊக்கமும் என்னிடம் போதிய ஆக்கமும் இல்லை. (நாங்க எப்பவும் உண்மையைச் சொல்வோம் அதையும் உரத்து சொல்வோம்.)

ஆனாலும் வித்தியாசமாகவும் மற்றவர்களைவிட புதிதாகவும் ஆரோக்கியமாகவும் எழுதணும் என்ற கொள்கையை நான் எப்பவும் கைவிடப்போவதில்லை. இதற்காக எவ்வளவு காலம் எடுத்தாலும் பரவாயில்லை. (இயக்குனர் பாலாவைப் போல நினைச்சிக்கொள்ளுங்க)

சரி எல்லா வகையான பதிவும் இடணும் என்பதற்கிணங்க இந்த முறை நல்ல கவிதையை பதிவில் இடலாம் எண்டு யோசிக்கும் போதே அண்மையில் எனக்கு கிடைத்த நண்பன். வயதில் என்னை விட மூத்தவராக இருந்தாலும் எல்லோருடனும் அன்பாக பழககூடியவர். அன்றாடம் தனது வாழ்க்கையில் நடக்கும் விடயங்களை படம்பிடிக்கிறார் தனது கவிதைகளினூடாக.

ஆங்கில வகுப்பில் கிடைத்த நட்பு இந்த நவீன கவிஞன் விமல் அண்ணாவின், சாதாரணமாக ஒரு விடயத்தை பற்றி பேசும் போதே அவ்விடயத்தைப்பற்றி பல கோணங்களில் ஆராய்வார். ஆங்கில வகுப்பில் ஆசிரியரின் பல கேள்விகளுக்கு வித்தியாசமான புதுமையான பதில்களை ஆங்கிலத்தில் கொடுக்க எத்தணிப்பார்.

வட்டுக்கோட்டையை பிறப்பிடமாக கொண்ட விமல் அண்ணா இன்றிலிருந்து எமது வலைப்பூவினூடாக அறிமுகமாகிறார். அத்துடன் இவரின் கவிதைகளுக்காக எமது தளத்தில் ஒரு பகுதி ஒதுக்கப்படுகிறது. இவரது கவிதைகளில் இருந்து இதோ ஒரு நல்ல கவிதை

விமல்
உலகை மறந்து உள்ளம் குமுறிய போது….. உருவாகிய கவிதையிது.

சாதி ஒரு திட்மிட்ட சதி!

சாதிக்கப் பிறந்த மனிதர்களே
சாதியை இறைவன் படைக்கவில்லை
சாதியை நீரே உருவாக்கி
சாக்கடையாக்கினீர் பூக்கடை வாழ்வை!
“ஓடும் உதிரத்திலும் உதிரும் கண்ணீரிலும்
தேடிப்பார்த்தாலும் தெரிவதுண்டோ?.....

உடுப்பு வெழுப்பவன்………. னாம்
முடியை அலங்கரிப்பவன்…………னாம்
அந்தோ செய்யும் தொழிலை தெய்வமென்றால் - அந்த
தெய்வத்திற்கு சூட்டும் பெயர்தானிதோ?
தொழிலை வைத்துப் பார்க்காதே!
நிறத்தைக் கொண்டு பிரிக்காதே! – உயர்
குணத்தை கொண்டு பிரித்துப்பார்!

வள்ளல்கள் எல்லாம் உயர் சாதி – பிறர்
வருந்தி உழைத்ததை,
கொள்ளை புரிபவன் கீழ்சாதி
கற்றவர் எல்லாம் மேல்சாதி
மற்றவர் எல்லாம் தாழ்சாதி

ஒழுக்கம் உடையவரே உயர் சாதி
இழுக்கு உடையவரோ இழிசாதி
இரக்கம் நிறைந்தவன் இறைசாதி
ஈவிரக்கமற்றவன் யமசாதி

நீதியைக் கொண்டவன் தேவசாதி
நீதியைக் கொன்றவன் அசுர சாதி

உயர் குணத்தை கொண்டு
பிரித்துக்கொண்டால்
உயர் குலத்தில் பிறந்தவர்
எத்தனை பேரோ?

எப்புடி கவிதை விமல் விமல் தான்.

இந்தக் கவிதை 22-05-2006 ம் ஆண்டு ஞாயிற்றுக்கிழமை விமலினால் எழுதப்பட்டது. இந்தக் கவிதையின் முழு உரிமையும் அண்ணன் விமலிற்கே உரியது.

என் பங்கிற்கு ஒரு விசயம் உண்மையா சாதியை முழுமையாக எதிர்ப்பவர்கள் கல்யாணம் கட்டாத பிரமச்சாரிகள் தான் ஏன்னா அவங்களிட்ட தான் பெண்(ஞ்) சாதி கூட இல்லை. எப்படி
ல

வேலனின் தீவிர ரசிகன் நான்

2009-01-13T18:33:00.002+05:30

இன்று காலையில் கலைஞர் தொலைக்காட்சியில் “சிரிப்பு வருது” நிகழ்ச்சி பார்த்திட்டிருந்தன். அதில நகைச்சுவை நடிகர் தாமுவின் நகைச்சுவை காட்சி கொஞ்சம் போச்சுது. அதில இந்த நுணுக்கம் கண்டுபிடிச்சு காமெடி பண்ணுறது எண்டு சொல்லுவாங்களில்லையா அதை போல நுணுக்கம் கண்டுபிடிச்சு சில காமெடி பண்ணுவார்.

கூட்டமாயிருந்த பேருந்து ஒன்றில் “புட்போட்” ல நிண்ட ஒருவர் அதில நிற்கமுடியாமல் மேல நிண்ட தாமுவிடம் கொஞ்சம் தள்ளுங்க சேர் எண்டதும் தாமு அந்த நபரை வெளியால தள்ளிவிட்டுறுவார்.

இது போல பஸ்ஸில் நடத்துனர் தாமுவிடம் இறங்கி பின்னால ஏறுங்க சேர் எண்டதும் தாமு கீழ இறங்கி பின் பக்கமாக திரும்பி அதே வழியாக மீண்டும் ஏறுவார்.

இதே போல தயிர் பானை ஒன்றை தூக்கமுடியாம கஸ்டப்பட்டிட்டு இருக்கிற ஒரு வயதுமுதிர்ந்தவர் தாமுவிடம் இதை கொஞ்சம் தூக்கி விடு தம்பி என்றதும் தாமு அந்தப் பானையை தூக்கி கீழே விட்டு விடுவார். இப்படி பல தமிழில் நுணுக்கம் கண்டு பிடிச்சு காமெடி பண்ணுவார்.

இந்த நகைச்சுவைக் காட்சிகளை பார்த்திட்டிருக்கும் போதே சின்னவயசில அம்மா எனக்கு சொன்ன கல்லடி வேலரின் கதைகள் தான் நினைவுக்கு வந்தது.

“ப்ளாஸ் பாக் ஓப்பின்”

கல்லடி வேலரைப்பற்றி யாருக்கும் விளக்கம் கொடுக்க வேண்டிய அவசியம் இல்லை. இருந்தாலும் தெரியாதவர்களுக்கு அவரைப்பற்றி ஒரு சிறு அறிமுகம். ஈழத்து தலைசிறந்த தமிழ் அறிஞர்களில் இவரும் ஒருவர். நகைச்சுவையுடன் நல்ல கருத்துக்களை மக்கள் மனதில் பதிய வைக்கும் திறன் கொண்டவர். இவர் யாழ்ப்பாணத்தில் உள்ள வசாவிளானைப் பிறப்பிடமாகக்கொண்டவர். இவருடைய உண்மையான பெயர் வேலன். இவருடைய வீட்டுக்கு முன்னால் பெரிய கல் ஒன்று இருந்த படியால் இவரை எல்லோரும் “கல்லடி வேலன்” என்றழைக்கலாயினர். (காரணப்பெயர்)

சரி இப்ப ஞாபகத்தில் இருக்கும் இவருடைய சில, சிந்திக்க வைக்கும் சீர்திருத்த நகைச்சுவை சம்பவங்கள் உங்களுக்காக

குடிநீர் எடுக்குமிடம், வைத்தியசாலை, பஸ் தரிப்பு நிலையம் போன்ற இடங்களில் “இங்கே துப்பப்படாது” என்ற பெயர்ப்பலகை காணப்பட்டது. கல்லடி வேலர் இந்த பெயர்ப்பலகையில் துப்பிக்கொண்டிருந்தாராம். போலிசார் அவரிடம் வந்து இங்கே எழுதியிருப்பது விளங்கவில்லையா? ஏன்று அதிகாரத்துடன் கேட்ட போது, கல்லடி வேலர் அடக்கமாக பதில் சொன்னாராம் அது தான் துப்பிப் பாரக்கிறேன். படுகிறதா? என்று என்றாராம்.

இதே போல விருந்தினர் ஒருவரின் வீட்டிற்கு கல்லடி வேலர் போயிருந்தாராம் அப்பொழுது அங்கே அவரது உறவினர் சொன்னாராம் “கால் முகம் கழுவிவிட்டு வாங்க சாப்பிடலாம்” என்று உடனே கல்லடி வேலர் கேட்டாராம் “அப்போ முக்கால் முகத்தை என்ன செய்யச் சொல்கிறீர்கள்” என்றாராம்.

இதே போல
தமிழில் பாண்டித்தியமும் புலமைத்திறனும் கொண்ட கல்லடி வேலர், பார்ப்பதற்கு எப்பொழுதும் எளிமையான தோற்றத்துடன் தானாம் காணப்படுவார். அக்காலத்தில் வேறொரு பண்டிதர் தமிழில் தான் பாண்டித்தியம் பெற்றவர் என்ற இறுமாப்பில் பண்டித மொழியில் எல்லோரிடமும் கதைப்பது அவரது வழக்கமாம். (அது தான் நம்மட பாi~யில சொல்லப் போனால் “படம் காட்டிறது”)
இவருடைய இறுமாப்பை கல்லடி வேலரும் நன்கு அறிந்திருந்தாராம்.

ஒரு சமயம் அந்தப் பண்டிதர் சாவகச்சேரிக்கு அடுத்த சந்தியான நுணாவில் சந்தியில் நின்று கொண்டு யாழ்ப்பாணம் செல்லும் பாதையை சுட்டிக்காட்டி, சாதாரண மனிதர் போல் காட்சியளித்த கல்லடி வேலரிடம் “இவ்வழி ஏகின் எவ்வழி புக்கும்?” எனக்கேட்டாராம்.
இதற்கு கல்லடி வேலர் அடக்கமாக “கரதண்டம் சம்புகுண்டம் புக்கும்” என்றாராம.; அந்தப் பண்டிதர் கலங்கிப் போனாராம். அவரால் கல்லடி வேலர் சொன்னது புரியவில்லை. அதன் விளக்கம் (கரம் என்றால் கை, தண்டம் என்றால் தடி, சம்பு என்றால் நாவல், குண்டம் என்றால் குழி)
அதாவது கைதடி, நாவற்குழி போகும் என்பதை இப்படி சொல்லியிருக்கிறார். எப்புடி

அம்மா சொன்ன கல்லடி வேலரின் கதைகளில் இவ்வளவு தான் எனக்கு ஞாபகம் இருக்கு. கல்லடி வேலரின் கதைகளின் மூலமாக அவரின் முகம் தெரியாமலே அவரின் தீவிர ரசிகன் ஆனவன் நான். உண்மையா இவருடைய கருத்துக்களால் நிறைய தமிழில் சீர்திருத்தங்கள்; நடைபெற்றது.

உங்களுக்கு யாராவது இவரைப்பற்றி வேற ஏதாவது தெரிஞ்சா கொஞ்சம் சொல்லுங்க….

தெரிஞ்ச விசயத்தை மற்றவரிடம் பகிர்ந்து கொள்வதும் தெரியாத விசயத்தை மற்றவர் தெரியப்படுத்திறதும் தானுங்களே நல்ல நண்பர்களுக்கு அழகு. எனவே எனக்கு தெரிஞ்சத உங்களுக்கு தந்திருக்கிறேன். உங்களுக்கு தெரிஞ்சத எனக்கு சொல்லுங்க.

(பழைய சேம் டயலொக் தான் கொஞ்சம் அட்ஜஸ்ற் பண்ணுங்க.)

ஒளவை யார்!

2008-12-24T15:18:00.015+05:30

ஒரு புத்தகத்திலை நல்லதொரு விசயம் படிச்சன். விசயம் என்னண்டா ஒ ள வையார் (ஒ ள வையார் இல்லீங்க அவ்வையார் “ஒள” அதாவது அவ்வன்னாவ விசைப்பலகையில காணவில்லை. அது தான் “ஒ” னாவையும் “ள” வையும் சேர்த்து அடிச்சிருக்கேன் கொஞ்சம் பொறுத்துக்கொள்க)

யாரோ ஒரு அரசரை திட்டி இரட்டை அர்த்தத்திலை ஒரு பாடல் பாடியிருக்கிறாங்களாம். அதில ஒரு இடத்திலை அரசரை புகழ்வது மாதிரி அரசரை விழித்து “எட்டே கால் லட்சணமே” என்று பாடியிருக்கிறார். இதன் உண்மையான அர்த்தம் என்னவென்றால் தமிழில் “அ” என்ற எழுத்து இலக்கம் (8) எட்டைக்குறிக்குமாம். அதோடு “வ” என்ற எழுத்து 1/4 (கால்வாசி) என்பதை குறிக்குமாம். எனவே “எட்டே கால்” 8 ¼ லட்சணம் என்றால் அவ லட்சணம். எப்புடி…..

இன்னொரு இடத்திலை “எமனேறும் பரியே” “மட்டில் பெரியம்மை வாகனமே” என்று பாடியிருப்பார். இதன் அர்த்தம் “எமனேறும் பரியே” என்றால் எருமையே என்று அர்தமாம்.

“மட்டில் பெரியம்மை வாகனமே” என்றால் மூதேவியின் வாகனமே என்று அர்த்தமாம்.

(இம்சையரசன் 23 ம் புலிக்கேசிக்கும் இப்புடி ஒரு பாட்டு இருக்கு இரட்டை அர்த்தத்திலை)

எந்தப் பெரிய அரசராக இருந்தாலும் இந்தம்மாவிடம் மாட்டித்தான் ஆக வேண்டும். இந்த அரசர் தன்னை புகழ்ந்து இந்தப்பாட்டு பாடியிருக்கு என்று நினைச்சிருப்பார். ஆனா அந்தப்பாட்டு தனக்கு வேட்டு வைக்கிற பாட்டு என்று தெரியேல்ல பாருங்க. இதை மாதிரி பல இடங்களில் இந்தம்மா தமிழோடு விளையாடியிருக்காங்க.

உண்மையா அம்மாவுக்கும் ஒரு “கோட்டம்” கட்டத்தான் வேணும். சப்பா… மறுபடியுமா… நான் சொன்னது ‘ஒளவையார்” அம்மாவுக்கு… அது சரி குடும்பத்துக்கு ஒண்ணு இருந்தா போதும் தானே… அது தான் “வள்ளுவர் கோட்டம்” இருக்கே இதைச்சொன்னன்.

இதே முறைய பின்பற்றி இப்ப எத்தனை கவிஞர்கள், அரசியல்வாதிகள் எல்லாம் மறைமுகமா இரட்டை அர்த்தத்தில சொற்போர் புரியிறாங்க…… ஆனா இப்ப வாற இரட்டை அர்த்தப்பாடல் என்று சொல்வது வேற விதமான இரட்டை அர்தமாயில்லயிருக்கு… யம்மாடி……

அபூர்வ சக்திகள்

2008-11-25T17:11:00.000+05:30

புராண காலத்து மனிதர்களிடம் பல விசேட சக்திகள் இருந்ததாக புராண நூல்கள் கூறுகின்றன. தொலைவில் நடப்பதை இங்கிருந்தபடியே கூறுவது, எதிர்காலத்தில் நடக்கப்போவதை இன்றே திட்டவட்டமாக கூறுவது, கூடுவிட்டு கூடு பாய்வது போன்ற பல ஞான சக்திகளை பண்டைய புராண காலத்தவர்கள் பெற்றிருந்தனர் என இலக்கியங்கள் வாயிலாகவும் புராணங்கள் மூலமாகவும் அறியக்கூடியதாக உள்ளது.

இவ்வாறான சக்திகள் எல்லாம் உண்மையாகவே புராண காலத்தவர்கள் பெற்றிருந்தனரா? அல்லது இலக்கியங்கள், புராணங்கள் போன்ற நூல்கள் கதைகளை மெருகூட்டுவதற்காக சுவாரஸ்யத்தை ஏற்படுத்துவதற்காக இவ்வாறான யுக்திகளை கையாண்டுள்ளனவா? என பல சந்தேகங்களை எம்மிடம் ஏற்படுத்துகின்றது.

இவ்வாறான சக்திகள் எல்லாம் தற்காலத்தவர்களிடம் அதாவது நம்மில் யாரிடமாவது உள்ளதா? அல்லது இறைவனிடம் வரம் பெற்றவர்களிடம்; மட்டும் தான் இந்த சக்திகள் எல்லாம் இருந்ததா என ஆராய்வோம்.

பகவத்கீதை உருவாக ஒருவகையில் காரணமாக இருந்த சஞ்சயனை பற்றி ஆராய்வோம். வெகு தூரத்தில் நடக்கும் பாரதப்போரை தனது கண் தெரியாத மாமனாரான திருதராஸ்டினருக்கு அவருக்கு அருகில் இருந்தபடியே போர்களச்செய்திகளை உடனுக்குடன் விளக்கி கூறும் இந்த சக்தியை பற்றி ஆராய்வோம்.

நம்மிடம் இரண்டு கண்கள் இருந்தும் பார்வையற்றவர்களாகத்தான் நாம் இருக்கிறோம். அருகில் என்ன நடக்கின்றது என்று கூட சற்று திரும்பிப்பார்ப்பதில்லை. ஆனால் இந்த சஞ்சயன் தொலைவில் நடக்கும் விடயங்களை சம்பாசனைகளுடன் கூடிய காட்சிகளாக அறிந்து கொள்ளும் சக்தி(அதாவது audio & video உடன் ) நமது தொலைக்காட்சிகளில் தூர இடங்களில் நடக்கும் நிகழ்ச்சிகளை நேரடி ஒளிபரப்பு செய்வது போலஸ சுருக்கமாக சொல்லப்போனால் நமது 3G கையடக்கத்தொலைபேசி தொடர்பாடல் போல.ஆனால் நாம் இதைப்பற்றி பண்டைய நூல்களை ஆதாரமாக கொண்டு ஆராய்ந்து பார்த்தால் நாம் பார்ப்பதற்கு உதவும் இந்த இரண்டு கண்கள் மட்டுமே கண்கள் இல்லையென்பதை யோக சாஸ்திரம் வலியுறுத்துகிறது. இடம்,காலம் முதலிய எல்லைகளை கடந்து நோக்கும் சக்தி வாய்ந்த கண்களும் மனிதனிடம் உள்ளது என்கிறது.

இதை அறியாத நமது மனம் சஞ்சயன் அவ்வளவு தொலைவில் எப்படி பார்கிறான்? அவர் எல்லாம் வல்லவரா? தூர திருஸ்டி என்பதெல்லாம் உண்மையானதா? இவையனைத்தும் நமது யதார்த்த வாழ்க்கைக்கு சாத்தியமானதா? என்ற பல கேள்விகளை நமக்குள் எழுப்புகின்றது. ஆனால் யோக சாஸ்திரம், இந்த தூர திருஸ்டி ஒரு அபுர்வமான சக்தி ஒன்றும் அல்ல. சர்வ வல்லமைக்கும் தூர திருஸ்டிக்கும் ஒரு சம்பந்தமும் இல்லை.அது ஒரு சாதாரண சக்தி தான். எந்த ஒரு மனிதனும் தீவிரமாக முயற்ச்சித்தால் இந்த சக்தியை மலர செய்ய முடியும் என்கிறது.

சில சமயங்களில் இயற்கையின் சில விசித்திர விளையாட்டினால் சில மனிதர்களிடம் இத்தகைய சக்திகள் சகஜமாகவே மலர்ந்து பிரகாசிக்கின்றன. இனி இத்தகைய விசேட சக்திகளை தற்காலத்தில் யாராவது பெற்றுள்ளார்களா? எனப்பார்ப்போம்.

ஆம், அமெரிக்காவில் ஒருவர் இருக்கிறார். அவரது பெயர் டேட் ஸீரியோ. டேட் ஸீரியோ பற்றிய செய்திகளின் உதவியால் நாம் சஞ்சயனின் சக்தியை உணர்ந்துகொள்ளலாம். ஏனெனில் சஞ்சயனின் காலம் புராதனம் ஆகிவிட்டது.

டேட் ஸீரியோ பல 1000 மைல்களுக்கு அப்பால் எதையும் பார்க்கும் ஆற்றல் வாய்ந்தவராம். பார்பது மட்டுமல்ல பார்க்கும் நிகழ்ச்சிகளை அவரது கண்கள் சித்திரமாக பிரதிபலிக்கும் சக்தி பெற்றவையாம். நாம் இங்கிருந்து கொண்டு விவாதம் செய்து கொண்டிருக்கின்றோம் நியோர்க் நகரில் வசிக்கும் அவரிடம் பாகிஸ்தானில், தற்ப்பொழுது என்ன match நடக்கிறது, யார் யார் துடுப்பெடுத்தாடுகின்றனர், எத்தனை ஓட்டங்கள் என்பதையெல்லாம் தமது அபுர்வ சக்தியால் அறிந்து கொள்ள முடியுமாம். (தொலைக்காட்சியின் உதவி இல்லாமல்)

இலங்கையில், கொழும்பு தமிழ்ச்சங்கத்தில் தற்பொழுது என்ன நிகழ்வு நடக்கின்றது என்று யாராவது கேட்டால் 5 நிமிடங்கள் கண்ணை மூடி தியானம் செய்வாராம். அவர் கண்ணை திறக்கும் போது அவரது கண்ணில் கொழும்பு தமிழ்ச்சங்கத்தில் நடக்கும் நிகழ்வுகள் அவரது கண்ணில் படமாக ஓடுமாம். Camera வின் உதவியால் அவரது கண்ணில் தெரியும் காட்சியை படமெடுக்கவும் முடியுமாம். ஆயிரக்கணக்கான அத்தகைய படங்களும் சித்திரங்களும் எடுக்கப்பட்டுள்ளன. டேட் ஸீரியோவின் கண்கள் வெகுதூரம் வரையிலும் எந்த விதமான நிகழ்ச்சிகளையும் பார்ப்பது மட்டுமன்றி சித்திரமாக படம் பிடித்துக்கொள்ளும் வல்லமை பெற்றதாம். (unlimited zooming) தற்கால நவீன கமராக்களை விட பல மடங்கு தொழில்நுட்பம் வாய்ந்தது.

இவ்வளவு சக்தி படைத்த இந்த மனிதரை பற்றி கூறும் போது இவர் கடவுள் பக்தி மிகுந்தவர், ஞானம் பெற்றவர் போல என்று நாம் எண்ணுவோம். ஆனால் வேடிக்கையை பாருங்கள் அவர் ஆத்ம ஞானியோ, ஞானப்பழமோ அல்லவாம். அவரது வாழ்க்கை முறையும் சாதாரண மனிதர்களைப் போல சாதரணமானது தானாம். ஆத்மா, கடவுள், சாதனை என்ற எதை பற்றியும் எதுவும் அறியாதவராம். ஆக அவரிடம் இருந்ததெல்லாம் ஒரு விசேட சக்தி. தூரதிருஸ்டி! அதே போலத்தான் சஞ்சயனும்.

இனி இன்னொரு விசேட சக்தியைப்பற்றி ஆராய்வோம். நாம் அண்மையில் வெளிவந்த ஒரு திரைப்படத்தில் நகைச்சுவை நடிகர் ‘விவேக்’ற்கு விபத்து ஏற்பட்டவுடன் பல புதிய சக்திகள் தோன்றுவதாக அதாவது மிருகங்கள் பேசுவது, பெண்கள் மனதில் நினைப்பது போன்றவற்றை அறிந்துகொள்ளும் சக்தி போன்ற பல விசேட சக்திகள் ஒவ்வொரு விபத்து ஏற்படவும் மாறி மாறி தோன்றுவதாக அந்த நகைச்சுவை காட்சி அமைந்திருக்கும்.

ஆனால் நாம் அதை நகைச்சுவைக்காக மட்டும் பார்த்து விட்டு நிறுத்தி விட்டோம். ஏனெனில் இது நகைச்சுவைக்கு பொருந்தும் ஆனால் மனிதனின் அன்றாட யதார்த்த வாழ்க்கைக்கு சாத்தியமாகாது என்று விட்டுவிட்டோம். ஆனால் இதைப்பற்றி நாம் சற்று ஆராய்ந்து பார்த்தால் இவ்வாறான சில விபத்துக்களில் மாட்டிக்கொண்டு புதிய சக்தியை பெற்றுக்கொண்டவர்களும் நம்மில் சிலர் வெளியுலகுக்கு தெரியாமலே இருக்கிறார்கள்.

ஆம். சில வருடங்களுக்கு முன்பு ஸ்கண்டினேவியாவில் ஒருவர் கார் விபத்தினால் தலையில் பலத்த காயத்துடன் நினைவிழந்தார். மருத்துவமனையில் தன் நினைவை மீண்டும் அடைந்த போது, காயத்துடன் சம்பந்தப்படாத மற்றொரு சங்கடம் ஏற்பட்டது.அவர் காதுகளில் சதா சங்கீத ஒலி கேட்க ஆரம்பித்தது!தனக்கு மூளை கலங்கிவிட்டதோ என்று மிகவும் பயந்து விட்டார்,அந்த மனிதர்!ஆனால், ஓரிரு தினங்களில் இசை ஒலிகளை அடையாளம் கண்டு கொள்ளவும் புரணமாக சுய நினைவுடன் விசாரணை செய்யவும் முடிந்தது. ஆனால் இருபத்து நாலு மணிநேரமும் ‘‘non stop programme’’ செவியில் பல வித பரிசீலனைக்கு பிறகு, ஆராய்ச்சிகளுக்கு பிறகு தெரிய வந்த உண்மையென்னவென்றால் பத்து மைல் தொலைவிலுள்ள ஒரு வானொலி நிலையத்தின் ஒலி அலைகள் தான் அவர் கேட்டு வந்திருக்கிறார் என்பதும், அத்தகைய அதிசயமான சக்தியை அவர் காதுகள் பெற்றுள்ளன என்பதுமே.அவர் காதுகளை தீவிரமாக பரிசீலித்தார்கள். அவற்றில் எந்தவித மாறுதலும் இல்லை. ஆடிபட்ட காரணத்தினால் காதுகளில் மறைந்திருந்த ஏதோ ஒரு சக்தி வெளிப்பட்டு செயலாற்ற தொடங்கிவிட்டது! பாவம், அவருக்கு ‘‘operation’ செய்ய நேரிட்டது. ஏனெனில் இருபத்து நாலு மணிநேரமும் தொடரும் நிகழ்ச்சிகளை ‘on off” செய்ய எந்த வித உபாயமும் தெரியவில்லை!

இதே போன்று ஜந்து, ஆறு வருடங்களுக்கு முன்பு இங்கிலாந்தில் ஒரு பெண்மணிக்குப் பகல் நேரத்திலேயே வான வெளியில் நட்சத்திரங்கள் தெரிந்தன! அவரும் மாடியிலிருந்து விழுந்த அடிபட்டுகொண்டவர். ஆகாயத்தில் நட்சத்திரங்கள் பகலிலும் இருக்கத்தான் செய்கின்றன. வேறு எங்கும் போவதில்லை சுரியனின் பிரகாசத்தினால் மறைந்திருக்கின்றன. இரவில் சிமிட்டுகின்றன, சுரிய ஒளி மறைந்தவிட்ட காரணத்தினால். ஆனால் சரியனின் பிரகாசத்தையும் மீறி கண்கள் பார்க்க முடிந்ததால் பகலிலும் தாரகைகளை பார்க்க முடியும்.அந்த பெண்மணிக்கும் ‘operation’ செய்ய வேண்டியதாயிற்று!

ஆக பகலில் நட்சத்திரங்களைப் பார்க்கும் சக்தியும் கண்களில் ஒளிந்திருக்கிறது. வெகு தூரத்தில் உள்ள வானொலி நிலையத்தில் ஒலிபரப்பாகும் நிகழ்ச்சிகளைத் தெளிவாகக் கேட்கும் சக்தியும் காதுகளில் ஒடுங்கியிருக்கிறது. கால தேச பரிணாமங்களை மீறிக் காணும் சக்திகள் புலனில் மறைந்திருப்பதற்கும் ஆன்மீகத்திற்கும் அதிக சம்பந்தம் இல்லை. இதிலிருந்து சந்தேகமின்றி சஞ்சயன் விசேட சக்தியுள்ள மனிதன்தான் என்பது புலனாகிறது.

விண்வெளி ஓடங்களை விண்ணுக்கு செலுத்தும் பல நாடுகள் மத்தியில் தற்போது ஓர் புதுப்பிரச்சனை கிளம்பியுள்ளது. என்னவெனில் இயந்திரத்தையே முழுமையாக நம்பி மனிதனை வானவெளிக்கு அனுப்புவது அபாயகரமானது. எனவே இதற்கு மாற்று வழியாக இந்த அபுர்வ சக்திகளை மனிதன் மத்தியில் எப்படி சுயமாக உருவாக்குவது என ஆராய்ச்சிகள் நடைபெறகின்றன. இந்த ஆராய்ச்சி வெற்றி பெறுமிடத்து விண்வெளியில் ஏற்படும் விபத்துக்களை தடுக்க முடியும் என ஆராய்ச்சியாளர்கள் நம்புகின்றனர்.

ஆக பண்டைய புராணங்களும், இலக்கியங்களும்,சாஸ்திரங்களும் பண்டைய காலத்தவர்கள் பலர் பெற்றிருந்ததாக கூறப்படும் இந்த அபுர்வ சக்திகள் உண்மையானவை தான் என பல ஆராய்ச்சிகளின் விளைவாக நாம் அறியக்கூடியதாகவுள்ளது.

ல

ஆதாரம் - ஓசோவின் பகவத்கீதை ஒரு தரிசனம்